ސިނަމާލެ ބްރިޖް ހައިވޭ މަތީގައި ސައިކަލުތަކެއް ޖެހި ހިނގި އެކްސިޑެންޓެއްގައި އަނިޔާވި ހަތަރު މީހަކަށް ފަރުވާދީފިއެވެ.
ފުލުހުން ބުނީ ރޭ މާލެއިން ހުޅުމާލެ އަށް ދަތުރުކުރާ ފަޅީގައި ތިން ސައިކަލެއް ޖެހި އެކްސިޑެންޓެއް ވި ކަމުގެ މައުލޫމާތު ދަންވަރު 12:11 ހާއިރު ލިބުނު ކަމަށެވެ.
މީޑިއާ އަށް ދިން މައުލޫމާތުގައި ފުލުހުން އިތުރަށް ބުނީ އެކްސިޑެންޓު ހިނގަން މެދުވެރިވީ ސައިކަލެއް އޯވާޓޭކްކުރަން އުޅުމުގެ ތެރޭ ދެ ސައިކަލެއް ޖެހި އެކްސިޑެންޓުވީ ފަހުން ފަހަތުން އައި އެހެން ސައިކަލެއް ޖެހިގެން ކަމަށެވެ. މި އެކްސިޑެންޓުގައި:
- ފަސް މީހަކަށް އަނިޔާވި، ހަތަރު މީހަކަށް ފަރުވާ ދިނުމަށް ފަހު ވަނީ ދޫކޮށްލައިފަ
- ފަސްވަނަ މީހާ އަށް ހުޅުމާލޭ ޓްރީޓޮޕް ހޮސްޕިޓަލުގައި ދަނީ ފަރުވާދެމުން
- ފަސްވަނަ މީހާގެ ހާލު ސީރިޔަސް ނޫން
މި އެކްސިޑެންޓުގައި ގަވައިދާ ހިލާފަށް ދުއްވި ސައިކަލު ޓޯ ކޮށް މައްސަލަ ތަހްގީގުކުރަމުންދާ ކަމަށް ވެސް ފުލުހުން ހާމަކޮށްފައިވެއެވެ.
