މާލޭގެ އަލިކިލޭގެފާނު މަގުގައި ސައިކަލު ދުއްވާފައި ދިޔަ އަންހެނެއްގެ ކަރުގައި އޮތް ފަށެއް ފޭރުނު ކަމަށް އިއުތިރާފުވީ ނަމަވެސް، އޭނާ އަތުގައި އެ ފަށް ނެތް ކަމަށް، މައްސަލައިގައި ތުހުމަތުވާ ހަސަން އިސާމް ބުނެފިއެވެ.
އަންހެނެއްގެ ކަރުގައި އޮތް ފަށެއް ޖަހައިގަތުމުގެ އިތުރުން، އެ މީހާގެ އަތްދަބަސް ޖަހައިގަންނަން މަސައްކަތްކުރި މައްސަލައިގައި މި މަހުގެ 19 ވަނަ ދުވަހު އިސާމް (30އ) ހައްޔަރުކޮށް، އޭނާ ހަތް ދުވަހަށް ވަނީ ބަންދުކޮށްފައެވެ.
އިސާމްގެ ބަންދުގެ މުއްދަތު ހަމަވާތީ އޭނާގެ ބަންދާ މެދު ގޮތެއް ނިންމުމަށް އިއްޔެ ހާޒިރުކުރުމުން ކޯޓުން ވަނީ 15 ދުވަހުގެ ބަންދެއް ޖަހައިފައެވެ.
ބަންދު އަމުރުގައިވާ ގޮތުން އިސާމް ވަނީ އޭނާގެ ކުށަށް އިއުތިރާފުވެ، އެ މައްސަލައިގައި ގެއްލުން ލިބުނު އަންހެން މީހާ އަށް ބަދަލުދޭން ބޭނުންވާކަން ހާމަކޮށްފައެވެ. އަދި ރަން ފަށް ފޭރުނު ކަމަށް އިސާމް ބުނި ނަމަވެސް، އޭނާގެ އަތުގައި އެ ފަށް ނެތް ކަމަށާއި، މައްސަލައިގެ ތަހްގީގަށް އެއްބާރުލުން ދޭނެ ކަމަށް ބަންދާ މެދު ގޮތެއް ނިންމުމަށް ބޭއްވި އަޑުއެހުމުގައި ބުނެފައިވާ ކަމަށް ވެސް ބަންދު އަމުރުގައި ވެއެވެ.
އިސާމަކީ ގިނަ އަދަދެއްގެ ކުށުގެ ރެކޯޑު އޮތް މީހެއް ކަމަށް ވެސް ބަންދު އަމުރުގައި ފާހަގަކޮށްފައިވެއެވެ.
ކޮއްކޯ އަޅާނުލާ ތިޔައީ މާބޮޑު ކަމެއް ނޫން....ދެތިން ދުވަހަކުން ދޫކޮށްލާނެ..ކޮއްކޮއާއެކު ހިއުމަން ރައިޓްސް އެބައޮތް...ހަމަ ދޫކޮށްލާއިރަށް އަނެއް ފަށް ފޭރިގަންނާނީ... **މި މަޑުޗަކުން ޗައްޕާހުންނަކަށް ތިޔަކަމެއް ނުހުއްޓުވޭނެ.