އުމްރާއަށް ދިޔަ 63 އަހަރުގެ ދިވެއްސަކު ގެއްލިގެން ހޯދުމުގެ ފަށައިފިއެވެ.
ގެއްލިގެން ހޯދަމުން ދަނީ ޔަލަމްލަމްގެ ހަވާލުގައި އުމްރާއަށް ދިޔަ ޏ. ފުވައްމުލައް، ސްޓެއްލާ (ދޫނޑިގަން)، ހުސައިން މުހައްމަދު ދީދީ (A026495)އެވެ.
ޔަލަމްލަމްއިން ބުނީ އެ ޖަމާއަތުގެ ހަވާލުގައި އުމްރާގެ އަޅުކަން އަދާ ކުރުމަށް ސައުދީ އަރަބިއްޔާގެ މައްކާއަށް އިއްޔެ މެންދުރުފަހު ސައުދީ ފްލައިޓް (SV839) އިން ދަތުރު ކުރި އުމްރާވެރިޔާ ހުސައިން މުހައްމަދު ދީދީ ގެއްލިފައި ވަނީ އުމްރާގެ އަޅުކަން ފުރިހަމަ ކުރުމަށް ސަޢީ ކުރަމުން ދަނިކޮށް ކަމަށެވެ.
ހުސައިން މުހައްމަދު ދީދީ ގެއްލުނު އިރު ހުރީ އިހްރާމްގައި ކަމަށާއި ކަރުގައި ޔަލަމްލަމްގެ ފާސްވެސް އަޅާފައި އޮތް ކަމަށް އެ ޖަމިއްޔާއިން ބުނެއެވެ.
ހުސައިން މުހައްމަދު ދީދީއާ ގުޅޭ މައުލޫމާތެއް ލިބިއްޖެނަމަ މައްކާއިން ގުޅޭ ނަންބަރު (966565836862+ / 966593709494+) ނުވަތަ މާލެއިން ގުޅޭ ނަންބަރު (7901612 / 9199919)އަށް ގުޅާ މައުލޫމާތު ދިނުމަށް ޔަލަމްލަމްއިން ވަނީ އެދިފައެވެ.
