އއ. ތޮއްޑޫގައި މަސައްކަތްކުރާ ބިދޭސީ އަންހެނަކަމަށް އަނިޔާކޮށްފައިވާ ކަމަށް ބުނާ މައްސަލައެއް ބަލަމުން އަންނަ ކަމަށް ފުލުހުން ބުނެފިއެވެ.
ފުލުހުން ބުނީ އއ.ތޮއްޑޫގައި މަސައްކަތްކުރާ ތައިލޭންޑުގެ އަންހެނަކަށް އޭނާގެ ސްޕޮންސަރު، އަނިޔާ ކޮށްފައި ވާކަމަށް ބުނާ މައްސަލައެއް މި މަހުގެ 26 ވަނަ ދުވަހު 18:50 ހާއިރު ރިޕޯޓު ކޮށްފައިވާ ކަމަށެވެ.
ފުލުހުން މި މައްސަލަ ތަހުގީގުކުރަމުން އަންނަކަމަށް ބުނެފައިވާއިރު، މި މައްސަލައާއި ގުޅޭ އިތުރު އެއްވެސް ތަފްސީލެއް އަދި ހާމަކޮށްފައެއް ނުވެއެވެ. އަދި މި މައްސަލައާއި ގުޅިގެން އެއްވެސް މީހަކު ހައްޔަރުކުރިކަން ވެސް ފުލުހުން ހާމަކޮށްފައެއް ނުވެއެވެ.
ރާއްޖެއަށް ގެންނަ މަސައްކަތު ބިދޭސީންނާއި މެދު އިހުމާލުވާ މައްސަލަތައް މީގެ ކުރިންވެސް ފެންމަތިވެފައިވާއިރު، ބިދޭސީންނަށް ނަފްސާނީ، ޖިސްމާނީ އަދި ޖިންސީ އަނިޔާކުރާ މައްސަލައަކީވެސް ފަހަކަށް އައިސް ކަންބޮޑުވާ މިންވަރަށް އިތުރުވަމުން އަންނަ މައްސަލައެކެވެ.
އެ އަނިޔާކުރާ މީހަކު ފައުޅު ނުކޮށް ތޮއްޑޫ ފާޅުކުރަން ޖެހެނީ ކީއްވެތޯއެވެ