މާލޭ އަލިކިލެގެފާނު މަގުގައި އިއްޔެ ސައިކަލް ދުއްވާފައި ދިޔަ އަންހެނެއްގެ ކަރުގައި އޮތް ފަށެއް ޖަހައިގަތް ފިރިހެނަކު ހައްޔަރުކޮށްފިއެވެ.
ފުލުހުން ބުނީ މި މައްސަލަ އާއި ގުޅިގެން އިއްޔެ ހަވީރު ހައްޔަރުކުރީ ފުލުހުން ބުނިގޮތުގައި، ވިލިމާލޭ، ފިޔަބަރި، ހަސަން އިސާމް، (30އ)އެވެ.
ފުލުހުން މި މައްސަލަ ތަހުގީގު ކުރަމުން އަންނައިރު، ސޯޝަލް މީޑިއާގައި ދައުރުވަމުންދާ ވީޑިއޯގައި ފެންނަ ގޮތުގައި ސައިކަލްގައި އަންހެނަކު ދުއްވާފައި ދަނިކޮށް އޭނާގެ ކަރުގައި އޮތް ފަށް ޖަހައިގަނެފައިވަނީ ފަހަތުން ސައިކަލެއްގައި ދިޔަ ފިރިހެނެކެވެ. ހެލްމެޓެއް އަޅައިގެން މޫނު ނިވާކޮށްގެން ހުރި ފިރިހެންމީހާގެ ކިބައިން ސަލާމަތްވާން ސައިކަލް ވައްޓާލާފައި އަންހެން މީހާ ދުވެފައިވާ ދާ މަންޒަރު ވީޑިއޯއިން ފެނެއެވެ.
ފަށް ފޭރުމަށް ފަހު ފިރިހެން މީހާ ސައިކަލް މަޑުކުރުމަށް ފަހު، ދެ ވަނަ ފަހަރަށް އަންހެން މީހާއާ ދިމާލަށް ދުއްވައިގަންނަތަން ފެނެއެވެ. އެހެންނަމަވެސް އެ ސަރަހައްދަށް މީހުން ގިނަ ވާން ފެށުމުން ފިރިހެން މީހާ ސައިކަލްގައި ދުވެ ފިލީއެވެ.
