ރާއްޖެއިން ތައިލެންޑަށް ކަނޑައަޅުއްވާފައި ހުންނަވާ ސަފީރުކަމަށް ފުވާދު ތައުފީގު އަދި އިލެކްޝަންސް ކޮމިޝަން (އީސީ)ގެ މެންބަރު ކަމަށް އަބްދުލް ހަސީބު އައްޔަން ކޮށްފިއެވެ.
ފުވާދަށް މަގާމުގެ ފަތްކޮޅު ރައީސް ދެއްވީ އެކަމަށްޓަައި މިއަދު ހެނދުނު ރައީސް އޮފީހުގައި ބޭއްވި ރަސްމިއްޔާތެއްގަ އެވެ.
ތައިލެންޑުގައި ހުންނަވާ ދިވެހި ސަފީރަކަށް، ފުވާދު އައްޔަންކުރަން ރައްޔިތުންގެ މަޖިލީހުން ރުހުން ދިނީ މި މަހުގެ 9 ވަނަ ދުވަހު އެވެ. އެ މަގާމަށް އައްޔަންކުރެއްވުމުގެ ކުރިން އޭނާ ހުންނެވީ ފޮރިން މިނިސްޓްރީގެ އެމްބަސެޑާ އެޓް ލާޖްގެ މަގާމުގަ އެވެ.
އޭގެ ކުރިން އީސީގެ ރައީސްގެ މަގާމުވެސް ފުވާދު ފުރުއްވާފައި ވެއެވެ. އެގޮތުން އޭނާ އީސީގައި މަސައްކަތް ކުރައްވަން ފެއްޓެވީ 2008 ވަނަ އަހަރު އެވެ. އާ ގާނޫނުއަސާސީއާ އެކު، އީސީ އުފެދި ފުވާދު އެންމެ ފުރަތަމަ އަދާކުރެއްވީ އިންތިގާލީ ކޮމިޝަންގެ މެންބަރު ކަމެވެ. އޭގެ ފަހުން އެ ކޮމިޝަންގެ ރައީސްކަން ކުރެއްވާފައިވާއިރު ކޮމިޝަަނަކަށް ބަދަލުވުމަށް ފަހު، ނޮވެމްބަރު 2009 އިން މާޗު 2014 އާ ހަމައަށް ފުވާދު ވަނީ ކޮމިޝަންގެ ރައީސްކަން ކުރައްވާފައެވެ.
އޭގެ ފަހުން އީސީގެ ރައީސް ކަމަށް އޭނާ އައްޔަންކުރެއްވީ 2021 ވަނަ އަހަރުގެ ސެޕްޓެމްބަރު މަހުގެ 15 ވަނަ ދުވަހު އެވެ. ރާއްޖޭގައި މިހާތަނަށް ބޭއްވި ބޮޑެތި އިންތިހާބުގައި ފުވާދު އިސްދައުރެއް އަދާ ވަނީ އަދާ ކުރައްވާފައެވެ.
މީގެ އިތުރުން އިލެކްޝަންސް ކޮމިޝަން (އީސީ)ގެ މެންބަރު ކަމަށް އަބްދުލް ހަސީބު ވެސް ވަނީ އައްޔަން ކުރައްވާފައެވެ. ހަސީބު އެ މަގާމަށް އައްޔަން ކުރަން ރައްޔިތުންގެ މަޖިލީހުން ފާސްކުރީ ހުސްވި ނޮވެމްބަރު މަހުގެ ފަސްވަނަ ދުވަހުއެވެ.
ރައީސް އޮފީހުގައި އޮތް ރަސްމިއްޔާތެއްގައި ހަސީބު މަގާމަށް އައްޔަންކޮށް، މަގާމުގެ ލިޔުން ހަވާލުކޮށްދެއްވީ ރައީސް މުހައްމަދު މުއިއްޒެވެ. ހަސީބު އީސީއަށް އައްޔަންކުރެއްވީ އެ ކޮމިޝަނުގެ ރައީސްގެ މަގާމުގައި ހުންނެވި ފުއާދު ތައުފީގުގެ ދައުރު މިދިޔަ ނޮވެމްބަރު މަހު ހަމަވުމާއެކުއެވެ.
ހަސީބް ކުރިން ހުންނެވީ އިސްލާމިކް މިނިސްޓްރީގެ ޕާމަނަންޓް ސެކެރްޓަރީގެ މަގާމުގައި ނަމަވެސް އޭނާ ފަހުން ވަނީ ސުލޫކީ މައްސަލައެއްގައި އެ މަގާމުން ވަކިކޮށްފައެވެ.
