ހއ. ތުރާކުނު މިސްކިތުގެ މަޝްރޫގެ ދަށުން ވުޟޫކުރާ ސަރަޙައްދުގެ ކޮންކްރީޓް މަސައްކަތް ނިމިއްޖެއެވެ.
އެމްޓީސީސީ އިން ބުނީ ތުރާކުނު މިސްކިތް ބިނާކުރުމުގެ މަޝްރޫގެ ދަށުން ފިރިހެނުންނާއި އަންހެނުންނަށް ވުޟޫކުރުމަށް ހާއްސަކުރެވިފައިވާ ދެ ސަރަހައްދުގެ ކޮންކްރީޓް މަސައްކަތް މިހާރު ވަނީ ނިމިފައިކަމަށާއި، ސައިޓުގައި މިހާރު ކުރިއަށްދަނީ މިސްކިތުގެ ޝީޓު އެޅުމުގެ މަސައްކަތް ކަމަށެވެ.
މީގެއިތުރުން މި ތަނުގައި މި ވަގުތު ސްލެބްގެ ޝަޓަރިން އަދި ބާބެންޑިންގެ މަސައްކަތްވެސް ކުރިއަށްދާކަމަށް އެމްޓީސީސީ އިން ވަނީ ބުނެފައެވެ.
700 އެއްހާ މީހުންގެ އާބާދީއެއް ދިރިއުޅޭ ތުރާކުނުގައި ޒަމާނީ ފެންވަރެއްގެ މިސްކިތެއް އެޅުމަކީ މީގެ 15 އަހަރު ކުރިން ފެށިގެން ރައްޔިތުން ދެކެމުން އައި ހުވަފެނެއްކަމަށް ތުރާކުނު ކައުންސިލްގެ ރައީސް އަލީ އަބްދުލް ލަތީފް ވަނީ ވިދާޅުވެފައެވެ. ލަތީފް ވަނީ 2022 ވަނަ އަހަރު މިސްކިތުގެ އަމަލީ މަސައްކަތް ފެށި ނަމަވެސް އެދެވޭ ގޮތެއްގައި މަސައްކަތް ކުރިއަށްގޮސްފައިނުވާކަމަށް ވިދާޅުވެފައެވެ.
ފާހަގަކޮށްލެވޭ ގޮތުގައި ތުރާކުނުގައި ތަރައްގީ ކުރާ މި މިސްކިތަކީ 300 މީހުންގެ ޖާގައިގެ މިސްކިތެކެވެ. މި މަޝްރޫ އެމްޓީސީސީއާއި ހަވާލުކޮށްފައިވަނީ 11.21 މިލިޔަން ރުފިޔާއަށް 365 ދުވަސް ތެރޭގައި ނިންމާގޮތަށެވެ.
ވާރެއާއި އަވިން ފައިވާން ރައްކާ ކުރާނެ ތަނެއް ނުބަހަށްޓާތި..މިއީ މިސްކިތުގެ ކުރެހުން ފާސް ކުރާ ގަޅިންގެ ބޯހަމަ ނުޖެހޭ ކަން ފެންނަ ޙަޤީޤަތެއް..އާނފަހެ ހުކުރު މިސްކިތް ނަމޫނާއަކަށް ބަލަނީ. އޭރަކީ ފައިވާނަށް އެރުން މަނާ ދުވަސް ވަރެއްކަން މިބީތާ އިންނަކަށް ނޭގޭ..މިބުނަނީ ފައިވާން ވަގަށް ނަގާތީ އެރައްކާކުރާ ތަނެއްގެ ވާހަކައެއް ނޫން...ވައްކަން ކުރާމީހުން ވައްކަން ކުރާނެ..އެކަމަށް ވެސް ކެމެރާހަރުކޮށްފަހުރޭ. އެއީ ރަނގަޅު ކަމެއް.