ސިނަމާލެ ޕާކިން ޒޯނުގައި އޮތް ކާރެއްގައި ރޯކޮށްލި މައްސަލައިގައި ހައްޔަރު ކުރި ދެ މީހުންގެ ބަންދުގެ މުއްދަތު އިތުރުކޮށްފިއެވެ.
ނީ ބުރުޒުމަގު، ސިނަމާލެ 01 ޕާކިން ޒޯނުގައި ޕާކުކޮށްފައި އޮތް ކާރެއްގައި ނޮވެމްބަރު 25 ވަނަ ދުވަހުގެ 18:25 ހާއިރު އަލިފާން ރޯކޮށްލި މައްސަލައިގައި ހައްޔަރުކޮށްފައިވަނީ މާލެ، މ.އަރާރަތްކުރި ހާލިދު މަހްމޫދު (35އ) އަދި އދ.މާމިލީ ބްލޫ ވިންޑް ހަސަން ނަސީމް (31އ) އެވެ.
ކޯޓު އަމުރެއްގެ ދަށުން ހައްޔަރުކުރި މި ދެ މީހުންގެ ބަންދަށް އެންމެ ފުރަތަމަ ކޯޓުން ދިން 15 ދުވަހުގެ ބަންދުގެ މުއްދަތު ހަމަވާތީ އަލުން ކޯޓަށް ހާޒިރުކުރުމުންވެސް މި ދެ މީހުންގެ ބަންދަށް އަނެއްކާވެސް ވަނީ 15 ދުވަސް އިތުރުކޮށްފައެވެ.
މައުލޫމާތު ލިބިފައިވާގޮތުން މިކާރުގައި ރޯކޮށްލާފައިވަނީ ދެ ގްރޫޕެއްގެ މެދުގައި ހިންގި ހަމަނުޖެހުމަކާ ގުޅިގެންނެވެ. މި މައްސަލަ ފުލުހުން ދަނީ އިތުރަށް ތަހުގީގުކުރަމުންނެވެ.
