ހުޅުމާލޭ ފޭސް ދޭއްގައި ހުންނަ ހިޔާ ފްލެޓްގެ ޓަވަރަކުން ކުޑަކުއްޖަކު ވެއްޓި، މަރުވެއްޖެ އެވެ.
ރޭ ދަންވަރު ހިނގި އެ ހާދިސާ އާއި ގުޅިގެން ފުލުހުން ބުނީ ހިޔާ ފްލެޓްގެ އެޗް5 ޓަވަރުން ވެއްޓި މަރުވެފައި ވަނީ 16 އަހަރުގެ ދިވެހި ފިރިހެން ކުއްޖެއް ކަމަށެވެ.
އެ ކުއްޖާ ވެއްޓުނީ ހިޔާ ފްލެޓްގެ 13 ވަނަ ބުރިން ކަމަށް ވެއެވެ.
އަދި އޭނާ ހުޅުމާލޭ ހޮސްޕިޓަލަށް ގެންދިޔަ އިރު ވެސް އޮތީ މަރުވެފައި ކަމަށް ފުލުހުން ބުންޏެވެ.
ފުލުހުން ދަނީ މައްސަލަ ތަހުގީގު ކުރަމުންނެވެ.
