އެހެން އަހަރުތަކެކޭވެސް އެއްފަދައިން ސައުދީއަރަބިއްޔާއިން ރާއްޖެއަށް ހަދިޔާ ކުރާ ކަދުރު ލިބިފައިވާ ކަމަށް އިސްލާމިކް މިނިސްޓަރު، މުހައްމަދު ޝަހީމް އަލީ ސައީދު ވިދާޅުވެއްޖެ އެވެ.
އެގޮތުން މިފަހަރުވެސް ސައުދީން 50 ޓަނުގެ ކަދުރު ހަދިޔާކޮށްފައިވާ ކަމަށާއި މިނިސްޓްރީގެ ބެލުމުގެ ދަށަށް މިހާރު އެ ކަދުރު ލިބިފައިވާ ކަމަށް މިނިސްޓަރު ވިދާޅުވިއެވެ.
އަދި ރޯދަ މަސް ފެށުމުގެ ކުރިން ކަދުރުތައް ބަހައި ނިންމާނެ ކަމަށާއި މި ފަހަރު ކަދުރު ބެހުމުގައި މިސްކިތްތަކުގައި ރޯދަ ވީއްލުން އިންތިޒާމް ކުރާ ޖަމިއްޔާތަކަށް ވެސް ބައެއް ދޭނެ ކަމަށް ޝަހީމް ވިދާޅުވިއެވެ.
ނަމަވެސް އާންމުންނަށް ކަދުރު ބަހާނީ ކޮން އުސޫލަކުން ކަމެއް ޝަހީމް ވިދާޅުވެފައި ނުވެއެވެ.
ހުސްވި އަހަރުވެސް ސައުދީން ރޯދައަށް ކަދުރު ހަދިޔާކޮށްފައިވާއިރު އެފަހަރު ކަދުރު ބަހާފައި ވަނީ ގޭބީސީއަކަށް 1 ޕެކެޓުގެ އުސޫލުންނެވެ.
