އެމްއެމްސީގެ އާ ދައުރަށް މެމްބަރުން އިންތިހާބުކޮށްފި

މޯލްޑިވްސް މީޑިއާ ކައުންސިލް (އެމްއެމްސީ)ގެ އާ ދައުރަށް މިއަދު މެންބަރުން އިންތިހާބު ކޮށްފިއެވެ.

މިއަދު ހެނދުނު 10:00 އިން 11:00 އަށް ސޯޝަލް ސެންޓަރުގައި އިންތިހާބުގެ ވޯޓުލުން ވަނީ ބާއްވާފައެވެ. ޖުމްލަ 22 ކެންޑިޑޭޓުން ވާދަކުރި މި އިންތިހާބުގައި 139 މީޑީއާއަކުން ވަނީ ވޯޓުލާފައެވެ.

މީޑިއާ ކައުންސިލަށް މީޑިއާތަކުން އިންތިހާބުކުރި ފަރާތްތަކަކީ:

• ފާތިމަތު ޝަނާ (މިހާރު އޮންލައިން): 118 ވޯޓު

• ނަޖާހް މަސްއޫދު (ވަގުތު އޮންލައިން): 117 ވޯޓު

• ހަސަން ޝާކިރު (އާފަތިސް): 93 ވޯޓު

• ހަފްސީ އަބްދުﷲ (ހަފްސީ ޑޮޓްކޮމް) 75 ވޯޓު

• ހުސެއިން ހަސަން (ހަތާވީސް އޮންލައިން) 74 ވޯޓު

• ހުސެއިން ސަގީފް (ތިލަދުން އޮންލައިން) 74 ވޯޓު

• ނަހުދާ ފާއިޒް (ދިޔަރެސް): 71 ވޯޓު

އަމިއްލަ ގޮތުން ހޮވުނު ފަރާތްތަކަކީ:

• ފާތިމަތު ފަހުމީ (އެމްއެމްސީގެ ކުރީގެ ލީގަލް ހެޑް): 76 ވޯޓް

• އިބްރާހިމް މުހައްމަދު (ކުރީގެ ނޫސްވެރިއެއް): 49 ވޯޓް

• އިބްރާހިމް ފައުޒީ (ގާނޫނީ ވަކީލެއް): 80 ވޯޓް

ޖުމްލަ 15 މެމްބަރުން ތިބޭ މީޑިއާ ކައުންސިލްގެ މިހާރުގެ ދައުރު އަންނަ ހޮނިހިރު ދުވަހު ހަމަވާއިރު، މީޑިއާ ކައުންސިލްގެ ދައުރެއްގެ މުއްދަތަކީ ދެ އަހަރު ދުވަހެވެ.

މި އިންތިހާބަކީ ވާދަވެރި އަދި ސައިލެންޓް ކެމްޕެއިނެއް ކުރި އިންތިހާބުކެވެ.