ދެކުނު އިންޑިއާގެ ފިލްމު "ޕުޝްޕާ 2" ރިލީޒްކުރުމުގެ ކުރިން މި ފިލްމަށް ބޮކްސް އޮފީހުގައި 100 ކްރޯޑް ރުޕީސް (11.8 މިލިއަން ޑޮލަރު) ލިބިއްޖެއެވެ.
މި އަދަދު މި ފިލްމު ހޯދާ ހަމަކުރީ ފިލްމު ރިލީޒްކުރުމުގެ ކުރިން ބޮކްސް އޮފީހަށް މި އަދަދު ހަމަކުރީ އެޑްވާންސް ބުކިން އަށް ހުޅުވާލައިގެން ވިއްކި ޓިކެޓުތަކުންނެވެ. އިންޑިއާއިން އެކަނި މި ފިލްމަށް މިހާތަނަށް 70 ކްރޯޑް ރުޕީސް (8.2 މިލިއަން ޑޮލަރު) އަށް ވުރެ ބޮޑު އާމްދަނީއެއް ލިބިފައިވާއިރު އިންޑިއާގެ ބޭރުން އެހެން ގައުމުތަކުން މި ފިލްމަށް ވަނީ 30 ކްރޯޑް ރުޕީސް (3.5 މިލިއަން ޑޮލަރު) ގެ އާމްދަނީއެއް ހޯދައިފަ އެވެ.
މި ފިލްމުގައި އައްލޫއާ އެކު މުހިންމު ރޯލުތަކުން ފެންނާނީ ފުރަތަމަ ފިލްމުގައި ވެސް އުޅުނު ރަޝްމިކާ މަންދަނާ އާއި ފަހަދު ފާސިލެވެ. ހަގީގީ ހާދިސާއެއްގެ މައްޗަށް ބިނާކޮށް ޑައިރެކްޓަރު ސުކްމާރު އުފެއްދި ފިލްމުގެ ސީކުއަލް ވެސް ޑައިރެކްޓްކުރަނީ އޭނާއެވެ. 2021 ވަނަ އަހަރު ފިލްމުގެ ފުރަތަމަ ބައެއް އާންމުންނާ ހަމައަށް އައިއިރު އެ ފިލްމަށް ބޮކްސް އޮފީހުގައި 373 ކުރޯޑު (47 މިލިއަން ޑޮލަރު) ގެ އާމްދަނީއެއް ލިބިފައިވެއެވެ. ޕުޝްޕާ: ދަ ރައިޒް އާންމުންގެ މެދުގައި ބޮޑު މަގްބޫލުކަމެއް ހޯދި އެއް ސަބަބަކީ ފިލްމުގައި އައްލޫ އަރްޖުންގެ ކެރެކްޓާ ކުޅެފައިވާލެ ފުރިހަމަ ކަމުންނެވެ. ކްރިޓީކުންނާއި ބެލުންތެރިންވެސް ބުނީ އެ ކެރެކްޓާއަކީ ވަރަށް ވަރުގަދަ ކެރެކްޓާއެއް ކަމަށާއި އައްލޫގެ އެކްޓިން މޮޅުކަމަށެވެ. ފިލްމުގެ އިތުރުން މި ފިލްމުގައި ހިމެނުނު ލަވަތަކަކީ ވެސް މުޅިން ވައިރަލްވެގެން ދިޔަ ހިތްގައިމު ލަވަތަކަކެވެ.
މި ފިލްމުގެ ތިން ވަނަ ބައެއްވެސް އާންމުންނާ ހަމައަށް ގެނެސްދޭނެއެވެ.
