ހުޅުމާލޭ ފަޅުތެރެއިން ނިޔާވެފައި އޮއްވާ ފެނުނު މީހާގެ ވަނަވަރު ފުލުހުން ހާމަކޮށްފިއެވެ.
ފުލުހުން ބުނީ އިއްޔެ ހުޅުމާލޭ ފަޅުތެރޭގައި ނިޔާވެފައި އޮއްވާ ފެނިފައި ވަނީ މ. މަޑުއްވަރީ/ ކޮކޮނަޓްވިލާ އިބްރާހިމް ޖިނާހް މުހައްމަދު، 36އ. ކަމަށެވެ.
އިއްޔެ ފުލުހުން ބުނީ ހުޅުމާލެ ފަޅުތެރެއިން ހަބަރު ހުސްވެފައި އޮތް މީހަކު ފެނިގެން އެ މީހާ ހޮސްޕިޓަލަށް ގެންގޮސްފައިވާ ކަމަށެވެ. އަދި އޭނާ ހޮސްޕިޓަލަށް ގެންދިޔައިރުވެސް މަރުވެފައި ވާކަމަށް ފުލުހުން ވަނީ ބުނެފައެވެ.
މީގެ އިތުރުން ފުލުހުން ބުނީ ތަހުގީގު ތެރެއިން ބަލަން ޖެހޭ ކަންކަން ބެލުމަށް ފަހު ރޭގެ ވަގުތެއްގައި އޭނާގެ ހަށިގަނޑު އާއިލާއާ ހަވާލުކޮށްފައިވާ ކަމަށެވެ.
މި މައްސަލަ ފުލުހުން ގެންދަނީ އިތުރަށް ތަހުގީގުކުރަމުންނެވެ.
