ނިޔާވެފައި އޮތް ދިވެއްސަކު މާލޭގެ ގެއެއްގެ ތެރެއިން ފެނިއްޖެއެވެ.
ފުލުހުން ބުނީ ގުލާބީ މަގުގައި ހުރި ގެއެއްގެ ތެރޭގައި މީހަކު ހަބަރު ހުސްވެފައި އޮތް ކަމުގެ މައުލޫމާތު ލިބުމާއި ގުޅިގެން ފުލުހުން އެ ސީނަށް ހާޒިރުވެފައި ވާކަމަށެވެ. އަދި އެމީހާ އައިޖީއެމްއެޗަށް ގެން ގޮސްފައި ވާކަމަށް ފުލުހުން ވަނީ ބުނެފައެވެ. އައިޖީއެމްއެޗާ ހަވާލާދީ ފުލުހުން ބުނީ އެމީހާ ގެންދިޔަ އިރުވެސް މަރުވެފައިވާ ކަމަށެވެ.
މަރުވެފައިވަނީ މއ. ހުދު އަކިރި އަބްދުﷲ ހަސަން (53އ) އެވެ. ފުލުހުން ބުނީ އޭނާގެ ހަށިގަނޑުގެ ބޭރު ފުށުން އެއްވެސް އަނިޔާއެއް ފެންނަން ނެތް ކަމަށެވެ.
މި މައްސަލަ އިތުރަށް ބަލަމުންދާ ކަމަށް ފުލުހުން ވަނީ ބުނެފައެވެ.
