މާފަންނު ކެފޭއެއްގެ ތެރޭ މާރާމާރީ ހިންގާ މީހަކު ޒަހަމްކޮށްލައިފިއެވެ.
ފުލުހުން ބުނީ މާފަންނު ޝަހީދު އަލީ ގޯޅީގައި ހުރި ކެފޭއެއްގެ ތެރޭ މާރާމާރީ ހިންގާފައިވާ ކަމުގެ ރިޕޯޓު ލިބިފައިވާ ކަމަށާއި މި މާރާމާރީގައި އަނިޔާވި 44 އަހަރުގެ ދިވެހި ފިރިހެން މީހާއަށް ފަރުވާ ދިނުމަށް ހޮސްޕިޓަލަށް ގެންގޮސްފައިވާ ކަމަށެވެ.
މި މައްސަލައާއި ގުޅިގެން މިހާތަނަށް މީހަކު ހައްޔަރުކޮށްފައި ނުވާއިރު އިތުރަށް މައްސަލަ ތަހުގީގު ކުރަމުންދާ ކަމަށް ފުލުހުން ވަނީ މައުލޫމާތު ދީފައެވެ.
މާރާމާރީގައި އަނިޔާވި މީހާ ހޮސްޕިޓަލަށް ގެންދާ މަންޒަރު ފެންނަ ވީޑިއޯއެއް ސޯޝަލް މީޑިއާގައި ދައުރުވަމުންދާއިރު ފެންނަ ފެނުމަށް އެމީހާގެ މޫނުމައްޗަށް ވަނީ ބޮޑެތި ޒަހަމްތަކެއް ވެފައެވެ. އަދި ލޭ އައިސްފައިވާ މަންޒަރުވެސް އެ ވީޑިއޯއިން ފެނިގެން ދެއެވެ.
މި މަހުގެ 24 ވަނަ ދުވަހު ގއ. ކަނޑުހުޅުދޫގައި ދެ މީހެއްގެ ދެމެދުގައި މާރާމާރީއެއް ހިންގާފައިވާއިރު އެ ދެ މީހުންނަށްވެސް އަނިޔާ ލިބިގެން ހޮސްޕިޓަުން ފަރުވާ ހޯދާފައި ވެއެވެ.
