ތ. ގުރައިދޫ އެއާޕޯޓު ތަރައްގީކުރުމަށް ބޭނުންވާ ބިން ހިއްކުމާއި ގޮނޑުދޮށް ހިމާޔަތްކުރުމަށް އެމްޓީސީސީއަށް ހަވާލުކޮށްފިއެވެ.
މި މަޝްރޫ ހަވާލުކުރުމަށް މިއަދު ބޭއްވި ރަސްމިއްޔާތުގައ އެމްޓީސީސީގެ ފަރާތުން ސޮއިކުރެއްވީ މެނޭޖިން ޑިރެކްޓަރު އަހުމަދު ސައުދީއެވ.ެ އަދި ކޮންސްޓްރަކްޝަން މިނިސްޓްރީގެ ފަރާތުން ސޮއިކުރެއްވީ ކޮންސްޓްރަކްޝަން މިނިސްޓަރު އިބްރާހިމް ތޮއާމް މުހައްމަދު އެވެ.
މި މަޝްރޫއަކީ 106.02 މިލިއަން ރުފިޔާއަށް 300 ދުވަސް ތެރޭ ނިންމުމަށް ހަވާލުކުރެވިފައިވާ މަޝްރޫއެކެވެ. މި މަޝްރޫގެ ދަށުން 378،350 ކިއުބިކް މީޓަރުގެ ބިން ހިއްކުމާއ،ި 979 މީޓަރުގެ ސަރަހައްދެއްގައި ރެވެޓްމެންޓް ޖެހުމުގެ އިތުރުން 609 މީޓަރުގެ ސަރަހައްދެއްގައި ޖިއޯބޭގް ރެވެޓްމެންޓެއް ޖެހުމުގެ މަސައްކަތްވެސް ކުރުމަށް ވަނީ ހަމަޖެހިފައެވެ.
2272 މީހުންގެ އާބާދީއެއް އޮތް ގުރައިދޫ އަކީ އެ އަތޮޅުގެ ގިނަ ބަޔަކު ވިޔަފާރި ކުރުމަށްޓަކައި ޒިޔާރަތްކުރަމުންދާ ރަށެކެވެ. އެމްޓީސީސީ އިން ބުނީ މި ރަށުގައި އެއާޕޯޓެއް ގާއިމުވެގެން ދިއުމަކީ މުޅި އަތޮޅަށްވެސް އިގުތިސާދީ ގޮތުންނާއި އިޖްތިމާއީ ގޮތުން ގިނަ ފައިދާތަކާއި ލުއިފަސޭހަތަކެއް ލިބިގެންދާނެ ކަމެއް ކަމަށެވެ.
މީގެއިތުރުން މި އެއާޕޯޓާއެކު ގުރައިދޫގެ ފަތުރުވެރިކަން އިތުރަށް ތަރައްގީވެ ރައްޔިތުންގެ ދިރިއުޅުމަށްހެޔޮ ބަދަލުތަކެއް އަންނާނެ ކަމަށް އެމްޓީސީސީ އިން ވަނީ ބުނެފައެވެ.
