ސަރުކާރުގެ ފުރިހަމަ ބާރު ނޫސްވެރިކަމަށް ފޯރުވޭގޮތަށް ފަރުމާކޮށްފައިވާ މީޑިއާ އެންޑް ބްރޯޑްކާސްޓިން ކޮމިޝަންގެ ބިލަށް ސަރުކާރުގެ ތާއީދު ނެތްކަން ހާމަކުރައްވައި، އެ ބިލާ ގުޅިގެން ނޫސްވެރިންގެ މެދުގައި ހުރި ކަންބޮޑުވުންތަކަށް ހައްލު ހޯއްދަވައިދެއްވާނެ ކަމުގެ ޔަގީންކަން، ބަންޑާރަނައިބު އަހްމަދު އުޝާމް ދެއްވައިފިއެވެ.
ތުޅާދޫ ދާއިރާގެ މެންބަރު އަބްދުލްހަންނާން ހުށަހެޅުއްވި ބިލާ މެދު ކަންބޮޑުވުން ފާޅުކޮށް، ނޫސްވެރިންގެ ޖަމިއްޔާ އެމްޖޭއޭ އާއި މީޑިއާ ކައުންސިލުން ވަނީ 'ހަތަރެއްގެ ހައްގުގައި'ގެ ނަމުގައި ހަރަކާތެއް ފަށައިފައެވެ. އަދި އެމްޖޭއޭ އިން ވަނީ ބަންޑާރަނައިބާ މިއަދު ބައްދަލު ވެސް ކޮށްފައެވެ.
ބަންޑާރަނައިބުގެ އޮފީހުން ބުނީ، މި ބިލާ ގުޅުންހުރި ޝަކުވާތައް އަޑުއަހައި، ނޫސްވެރިންގެ ކަންބޮޑުވުންތަކަށް ސަރުކާރުން ހައްލު ހޯދައިދޭނެ ކަމުގެ ޔަގީންކަން ދޭ ކަމަށެވެ. މި ބައްދަލުވުމުގައި އުޝާމްގެ އިތުރުން، ރައީސް އޮފީހުގެ ކޮމިއުނިކޭޝަންސް މިނިސްޓަރު އިބްރާހީމް ޚަލީލާއި ޔޫތު މިނިސްޓަރު އިބްރާހީމް ވަހީދު ވެސް ބައިވެރިވެވަޑައިގެންފައިވެއެވެ.
ބައްދަލުވުމަށް ފަހު އެމްޖޭއޭގެ އިދާރާގައި މިއަދު ބޭއްވި ނޫސްވެރިންގެ ބައްދަލުވުމުގައި އެ ޖަމިއްޔާގެ ސެކްރެޓަރީ ޖެނެރަލް އަހްމަދު ނާއިފް ވިދާޅުވީ، ބަންޑާރަނައިބުގެ ވިސްނުންފުޅަކީ މީޑިއާ ކައުންސިލާއި ބްރޯޑްކާސްޓިން ކޮމިޝަން އުވާލައި މީޑިއާތައް ރެގިއުލޭޓްނުކުރާ ގޮތަށް ބައްޓަންކުރުން ކަމަށެވެ. ނާއިފް ވިދާޅުވީ، މިހާރު ހުށަހަޅާފައި އޮތް ބިލަށް ސަރުކާރުން ތާއީދުނުކުރާކަން މިއަދު ހާމަކުރި ކަމަށެވެ.
އެކަމަކު ސަރުކާރުން ބިލާ މެދު އަމަލުކުރާނެ ވަކިގޮތެއް އަދި ނުނިންމާ ކަމަށް ވެސް އޭނާ ވިދާޅުވިއެވެ.
މިއަދު ބޭއްވި ނޫސްވެރިންގެ ބައްދަލުވުމުގައި އެމްޖޭއޭ އާއި މީޑިއާ ކައުންސިލްގެ އިތުރުން، ޓްރާންސްޕޭރަންސީން ވަނީ މި ބިލު މަޖިލީހުން ވަގުތުން ބޭރުކުރުމަށް ގޮވާލައިފައެވެ.
އަބްދުލްހަންނާން ހުށަހެޅުއްވި ބިލުގައިވާ ގޮތުން، ބިލު ގާނޫނަކަށްވެ، އަމަލު ކުރަން ފެށުމާ އެކު އެމްއެމްސީ އާއި ބްރޯޑްކޮމްގެ ބަދަލުގައި މޯލްޑިވްސް މީޑިއާ އެންޑް ބްރޯޑްކާސްޓިން ކޮމިޝަން އުފެދޭނެއެވެ. މި ކޮމިޝަން އެކުލެވިގެން ވަނީ ހަތް މެންބަރުންގެ މައްޗަށް ކަމަށާއި އެއީ ރައްޔިތުންގެ މަޖިލީހުގެ ރުހުން ލިބިގެން ރައީސް އައްޔަން ކުރައްވާ ހަތަރު މެންބަރުންނާއި، މީޑިއާތަކުން އިންތިހާބު ކުރާ ތިން މެންބަރުންކަމަށް ބިލުގައި ބުނެފައި ވެއެވެ.
ހަމައެއާއެކު އެ ކޮމިޝަންގެ ރައީސް އާއި ނައިބު ރައީސް އައްޔަން ކުރުމުގެ ބާރު ވެސް ދީފައި ވަނީ ރައީސަށެވެ. ރައީސް އެ ދެ މަގާމަށް ބޭފުޅުން ހަމަޖައްސަން ޖެހެނީ ކޮމިޝަންގެ މެންބަރުންގެ ތެރެއިން، މަޖިލީހުގެ ރުހުމާ އެކުއެވެ.
ބްރޯޑްކާސްޓް ކުރުމުގެ ހިދުމަތް ދިނުމުގެ ލައިސެންސް ލިބިފައިވާ ފަރާތްތަކާއި ނޫސްތަކުން ކޮމިޝަނުން ކަނޑައަޅާ ސުލޫކީ މިންގަނޑަކާ ހިލާފުވެއްޖެ ނަމަ އެޅޭނެ ފިޔަވަޅުތައް ވެސް ބިލުގައި ބަޔާންކޮށްފައި ވެއެވެ. އޭގެ ތެރޭގައި ތަކުރާރުކޮށް ގާނޫނާއި ގަވައިދާ ހިލާފުވަމުންދާ ނަމަ، ދޫކޮށްފައިވާ ބްރޯޑްކާސްޓިން ލައިސެންސް ނުވަތަ ނޫސް މަޖައްލާއެއް ނަމަ ދޫކޮށްފައިވާ ރަޖިސްޓްރީ ބާތިލުކުރުމަށް ކޯޓަށް ހުށަހެޅުމަށް ފަހު، ކޯޓުން ނިންމާ ގޮތެއްގެ މަތިން ލައިސެންސް ނުވަތަ ރަޖިސްޓްރީ ބާތިލުކުރެވޭނެއެވެ.
ރަގަޅުވާހަކައެއް. ޔަހޫދީންގެ އެޖެންޓެއް. އެމް.ޑީ.އެން. ގެ ފައުންޑަރުން ލައްވާ ޗަރުކޭސްކުޅުވާ ދޮގުޗާޕުކުރާ މެޝިނެއް. އެމް.ޑީ.ޕީ.ނޫން ސަރުކާރެއް އަންނައިރަށް ދައްޖާލުފާޅުވާނެ. ތިތަނުގަ ނަގާކިޔަނީ، ޗޯރޭސަރުކާރުގެ ތިމާވެށިވަޒީރުކަން ކުރި ކައިދަގެ ޝައުނާގެ ފިރިމީހާ. ދެފުށްފެންނަގޮތަށް ހައިވޭގަސޯލާޕެނަލް ޖަހައިގެން ލިބުނުކަޓަށް ލަގްޒަރީ 2 އެޕާޓްމެންޓް ގަނެލައިގެން ހަނުތިބީ.
ހެހެހެ. އެއްކަލަ ޓްރާންސްޕޭރެންސީ ދައްކާލައިފި. މި ދެން … ފެނިގެއްލިދާ ޖަވާހިރެއް. އެމްޑީޕީ ސަރުކާރެއް އައީ، ފެނިގެއްލިދާ ހިޖާބުވީ. އެހެން ސަރުކާރެއް އައީ ކަޝްފުވެގަންނާނެ. ސާބަހޭ ތެދުވެރި ގައުމީ ރޭއަލިވާމަނިކޭ. ހެހެހެ.