ހުޅުމާލޭ ކެފޭއަކަށް ވަދެ މާރާމާރީ ހިންގި މައްސަލައެއްގައި މީހަކު ހައްޔަރުކޮށްފިއެވެ.
ފުލުހުން ބުނީ ރޭ ހުޅުމާލޭގެ ރާކަނި ބީޗްގައި ދެމީހެއްގެ މެދުގައި ހިނގި މާރާމާރީއެއްގެ މައްސަލަ ފުލުހުންނަށް ރިޕޯޓުކޮށްފައި ވާކަމަށެވެ. އަދި އެ މައްސަލައާ ގުޅިގެން ދިވެހި ފިރިހެނަކު ހައްޔަރުކޮށްފައިވާ ކަމަށް ފުލުހުން ބުނެފައިވީ ނަމަވެސް އެމީހާގެ ވަނަވަރު ފުލުހުން ހާމަކޮށްފައެއް ނުވެއެވެ.
މި މައްސަލައާއި ގުޅިގެން އިތުރު ތަފްސީލެއް ފުލުހުން ހާމަކޮށްފައި ނުވާއިރު ފުލުހުން ބުނީ އެ މައްސަލަ މިހާރު ތަހުގީގު ކުރަމުން އަންނަ ކަމަށެވެ.
އެ ހާދިސާގެ ވީޑިއޯއެއް ސޯޝަލް މީޑިއާގައި އާންމުވެފައިވާއިރު، ވީޑިއޯއިން ފެންނަނީ ދެ މީހަކު ކެފޭ ތެރޭގައި އިށީނދެގެން ތިއްބާ، ސައިކަލެއް އައިސް ކެފޭ ކުރިމައްޗަށް ދެ މީހަކު މަޑުކުރާތަނެވެ.
އެ ސައިކަލުގައި ތިބި ދެ މީހުންގެ ތެރެއިން އެކަކު އައިސް ގޮނޑިއެއް ނަގައި، އިށީނދެގެން އިން ފިރިހެނެއްގެ ގައިގައި ޖަހާ މަންޒަރު ފެނިގެންދާއިރު ސައިކަލުގައި ދެން އިން މީހާ ވެސް އެ ދެ މީހުންގެ ދޭތެރެއަށް ވަދެ، އެކަކު ކޮށްޕާލާ މަންޒަރު ފެނެއެވެ. އަދި އެ މާރާމާރީ ހުއްޓުވީ ކެފޭގައި ދެން ތިބި މީހުން މަސައްކަތްކުރާ މަންޒަރުވެސް މި ވީޑިއޯ އިން ފެނިގެން ދެއެވެ.
