ހަމާސް އާއި އިޒްރޭލާ ދެމެދު ސުލްހަ ގައިމު ކުރުމަށް އެމެރިކާ އާއި އިޒްރޭލު އަދި ހަމާސް ހިމެނޭހެން ދައްކަމުން ދާ ވާހަކަތަކުން ގަތަރު ނިކުމެއްޖެއެވެ.
ގަތަރަކީ 3 ބައިމީހުންގެ މެދުގައި ކުރިއަށް ދާ މަޝްވަރާތަކުގައި މެދުވެރިއެއްގެ ދައުރު އަދާކުރާ ގައުމެވެ. ގަތަރުން ބުނީ ސުލްހައިގެ ވާހަކަތަކުން ނިކުތީ ހަމާސް އާއި އިޒްރޭލުގެ އިހުލާސްތެރިކަމެއް ނެތުމުން ކަމަށާއި ދެން އަލުން އެ ވާހަކަތަކަށް ވަންނާނީ އެ ދެފަރާތުން އިހުލާސްތެރިކަން ހާމަ ކުރުމުން ކަމަށެވެ.
ސުލްހައިގެ ވާހަކަތަކުން ނިކުތްކަން ގަތަރުން އިއުލާން ކުރީ، ގަތަރުގައި ހަމާސްގެ މަންދޫބުން ތިބެން ދެން ބޭނުން ނުވާކަމަށް އެމެރިކާގެ އޮފިޝަލަކު ބުނުމާއެކުގައެވެ. އެެމެރިކާއިން ވަނީ ސުލްހައިގެ ވާހަކަތަކުގައި ކުރިއަށް ދިޔުމަށް ހަމާސް އިންކާރު ކުރާ ކަަމަށް ތުހުމަތު ކޮށްފައެވެ.
ގަތަރުން ބުނީ އެގައުމުގައި ހުންނަ ހަމާސްގެ އޮފީހުން އެ މަގުސަދުގައި އެކަށީގެންވާ މަސައްކަތެއް ނުކުރާކަމަށެވެ. އެހެންކަމުން ނަތީޖާއެއް ނުނިކުންނަ ކަމަށާއި ކުރިއަށް ދެވެން ނެތް ކަމަށެވެ.
ގަތަރުގައި ހަމާސްގެ އޮފީހެއް ހުޅުވާފައި ވަނީ އެމެރިކާގެ ކުރީގެ ރައީސް ބަރަކް އޮބާމާގެ އެދިވަޑައިގަތުމަށް 2012 ގައެވެ.
އެއްބަސްވުމާއެކު ކުރިއަށް ދާން ދެކޮޅު ހަދާތީ ހަމާސްގެ ގަތަރު އޮފީސް ބަންދު ކުރުމަށް އެންގި ކަމަށް މީޑިއާތަކުގައި ދެކެވޭ ވާހަކަތައް ގަތަރާއި ހަމާސްގެ އޮފިޝަލުން ވަނީ ދޮގު ކޮށްފައެވެ.
ގަތަރަކީ މެދުއިރުމަތީގައި އޮންނަ އެމެރިކާގެ އެންމެ ގާތް އަރަބި ގައުމެކެ. އެތާނގައި އެމެރިކާގެ މައި އެއާބޭސް ގާއިމު ކޮށްފައި ވާ އިރު، އެކިއެކި ފަރާތްތަކާއެކު ކުރިއަށް ގެންދާ އިސްތިރާޖީ މަޝްވަރާތަކާއި ސިއްރު މަޝްވަރާތައް ކުރިއަށް ގެންދަނީވެސް ގަތަރުގައެވެ. އެގޮތުން އީރަނާއި، ތޯލިބާން އަދި ރަޝިއާއާއެކު އެމެރިކާއިން ކުރިއަށް ގެންދާ ބައެއް މުހިންމު މަޝްވަރާތައް ވެސް ބާއްވަނީ ގަތަރުގައެވެ.
މިދިޔަ އަހަރުގެ އޮކްޓޯބަރުގައި ގާޒާ ހަނގުރާމަ ފެށުނީއްސުރެ މިއަދާ ހަމައަށް ސުލްހައިގެ ވާހަކަތަކުގެ އެތައް ބުރެއް ބާއްވާފައި ވެއެވެ. ނަމަވެސް މިއަދާ ހަމައަށް ވެސް ހަނގުރާމަ ހުއްޓާލަން އެއްބަސްވެފައެއް ނުވެއެވެ.
އިޒްރޭލުގެ ކުރިމަތީގައި ހަމާސް އަކީ އެއްވެސް އާރެއް ބާރެއް ނެތް ޖަމާއަތަކަށް ވާއިރު، އިޒްރޭލުން ކެނޑިނޭޅި އަޅާ ބޮންތަކާއި ދޭ މިސައިލް ހަމަލާތަކާއި ޑްރޯން ހަމަލާތަކުގައި ގާޒާއިން މިހާރު ވަނީ 42،000 މީހުން ޝަހީދު ކޮށްލައި 100،000 އަށް ވުރެ ގިނަ މީހުން ޒަހަމްކޮށްލާފައެވެ. ރައްދުގައި ހަމާސް އިން ދޭ ކުދިކުދި ހަމާތަކުން އިޒްރޭލަށް ލޮޅުމެއްވެސް އަރަމުން ނުދާ އިރު، މި ބުރުގެ ހަމަލާތައް ފެށުމުގެ އަސްލަކަށް ވި، އޮކްތޯބަރު 7 ވަނަ ދުވަހު ހަމާސް އިން އިޒްރޭލަށް ދިން ހަމަލާގައި 1200 މީހަކު މަރާލިއެވެ.
އެމެރިކާ އަދި އިޒްރޭލަށް އުޅުވެތިވާ ގަތަރުގެ މިހާރު ތިބިވެރިންގެ ވެރިކަން ނެތިކުރަންވާދޭވެ.