ކުދި އަދި މެދުފަންތީގެ ވިޔަފާރިތަކާއި ކޯޕަރޭޓް ކަސްޓަމަރުންނަށް ހާއްސަކޮށް ބޭންކް އޮފް މޯލްޑިވްސް (ބީއެމްއެލް) އިން މާސްޓަ ބިޒްނަސް ޕްރިޕެއިޑް ކާޑެއް ތައާރަފްކޮށްފި އެވެ.
ހޮޓެލް ޖެންގައި މިއަދު ބޭއްވި ހާއްސަ ރަސްމިއްޔާތެއްގައި އެ ހިދުމަތް ތައާރަފްކޮށްފައިވާއިރު އެ ބޭންކުން ބުނި ގޮތުގައި މާސްޓަ ބިޒްނަސް ޕްރިޕެއިޑް ކާޑަކީ ވިޔަފާރިތަކުގައި ބޭނުން ކުރާ ފައިސާ ފަސޭހަ ކަމާއެކު މެނޭޖް ކުރުމަށް މަގުފަހި ކޮށްދިނުމުގެ ބޭނުމުގައި ކަމަށެވެ.
އެމްއެލް އިން ވަނީ ބިޒްނަސް ޕްރިޕެއިޑުގެ ޑޮލަރު ކާޑަކާއި ރުފިޔާ ކާޑެއް ނެރެފަ އެވެ.
ބިޒްނަސް ޕްރިޕެއިޑް ރުފިޔާ ކާޑު:
މި ކާޑު ބޭނުންކުރެވޭނީ ހަމައެކަނި ރާއްޖޭގަ އެވެ. އެގޮތުން މި ކާޑުން އޭޓީއެމްތަކާއި ޕީއޯއެސް ކާޑު މެޝިނާއި އީކޮމާސް ޕްލެޓްފޯމުގައި ބޭނުން ކުރެވޭނެ ކަމަށް ބީއެމްއެލް އިން ބުނެއެވެ. އަދި ހަމައެހެންމެ މި ކާޑުގައި ދުވާލަކަށް ދެލައްކަ ރުފިޔާގެ ލިމިޓެއް ހިމެނޭ އިރު ކާޑަށް އެންމެ ގިނަވެގެން ރީލޯޑް ކުރެވޭނީ 500،000ރ. އާ ހަމައަށެވެ.
ބިޒްނަސް ޕްރިޕެއިޑް ޔޫއެސްޑީ ކާޑު:
މި ކާޑު ރާއްޖެއާއި ރާއްޖެއިން ބޭރުގައި ބޭނުން ކުރެވޭނެއެވެ. އެގޮތުން ދުވާލަކު 50،000 ޑޮލަރާ ހަމައަށް ބޭނުން ކުރެވޭއިރު އެ ކާޑަށް އެންމެ ގިނަވެގެން ރީލޯޑު ކުރެވޭނީ 100،000 ޑޮލަރާ ހަމައަށެވެ. އަދި ޓްރާންސެކްޝަންގެ މައުލޫމާތުތައް މޮބައިލް އެޕްލިކޭޝަން އިން ބެލޭނެ ކަމަށް އެ ބޭންކުން ބުނެއެވެ.
އަދި ކާޑު ލިމިޓް ބޮޑު ކުރަން ބޭނުންވެއްޖެ ހާލަތެއްގައި އެ ފުރުސަތު ވިޔަފާރިތަކަށް ލިބިގެންދާނެ ކަމަށްވެސް އެ ބޭންކުން ބުނެއެވެ. ބީއެމްއެލް އިން ނެރުނު ބިޒްނަސް ޕްރިޕެއިޑް ކާޑުގެ އިތުރު މައުލޫމާތު ބީއެމްއެލް ބިޒްނަސް އެކްސްޕޯއިން ލިބޭނެ އެވެ. ބިޒްނަސް އެކްސްޕޯ ކުރިއަށް ދާނީ މިއަދު ހަވީރު ޖަހަންދެން ހޮޓެލް ޖެންގައެވެ.
