ބޭންކް އޮފް މޯލްޑިވްސް (ބީއެމްއެލް) އިން ދޫކޮށްފައިވާ މާސްޓާކާޑްގެ ޑެބިޓް އަދި ކްރެޑިޓް ކާޑުން ފައިސާ ދައްކައިގެން އަގުހުރި އިނާމު ލިބޭ ޕްރޮމޯޝަނެއް ފަށައިފިއެވެ.
ބީއެމްއެލް އިން ބުނީ، މި ޕްރޮމޯޝަންގެ ދަށުން ކޮންމެ ހަފުތާއަކު 10 ނަސީބުވެރި ފަރާތެއް ހޮވުމަށް ހަމަޖެހިފައިވާ ކަމަށާއި އެ ފަރާތްތަކަށް އިނާމެއްގެ ގޮތުގައި ޕީއެސް5 ނުވަތަ ނިންޓެންޑޯ ސްވިޗެއް ދިނުމަށް ހަމަޖެހިފައިވާ ކަމަށެވެ. މި ޕްރޮމޯޝަންގެ ވީކްލީ ޑްރޯއަށް ކޮލިފައިވުމަށް ކަސްޓަމަރުން 1،500 ރުފިޔާ އާއި އެއަށް ވުރެ ބޮޑު ހޭދައެއް ކުރަން ޖެހޭ ކަމަށް ބީއެމްއެލް އިން ބުނެއެވެ.
ވީކްލީ ޑްރޯއަށް ކޮންމެ 1500 ރުފިޔާ ހަރަދު ކުރާ ކޮންމެ ރުފިޔާ އަކީ ގުރުއަތުގައި ބައިވެރިވުމަށް ލިބޭ އެއް ޓިކެޓް އެންޓްރީއެވެ. އަދި މި ޕްރޮމޯޝަން ނިމުމުން 10 ގްރޭންޑް ނަސީބުވެރިން ހޮވުމަށް ވެސް ވަނީ ހަމަޖެހިފައި ކަމަށް ބީއެމްއެލް އިން ބުނެއެވެ.
ގްރޭންޑް ލަކީ ޑްރޯއަށް ކޮލިފައިވުމަށް ކަސްޓަމަރުން ޕްރޮމޯޝަންގެ މުއްދަތުގައި 5،000 ރުފިޔާ އާއި އެއަށް ވުރެ ބޮޑު ހޭދައެއް ކުރަން ޖެހެއެވެ. ކޮންމެ 5،000 ރުފިޔާއެއް ހަރަދުކުރުމުން ގްރޭންޑް ޑްރޯގެ ގުރުއަތުގައި ބައިވެރިވުމަށް ލިބޭ އެއް ޓިކެޓް ކަމަށް ބީއެމްއެލް އިން ބުނެއެވެ. ގްރޭންޑް ލަކީ ޑްރޯގައި ހޮވޭ ނަސީބުވެރިއަކަށް ލިބޭނީ އެޕަލް ބްރޭންޑްގެ ޕްރޮޑަކްޓްތައް ހިމެނޭ ގިފްޓް ހެމްޕާއެކެވެ.
މި ޕްރޮމޯޝަން ގެ މުއްދަތު ހަމަވާނީ އަންނަ ޑިސެމްބަރު މަހުގެ 15 ވަނަ ދުވުހުގެ ނިޔަލަށެވެ.
