ބޭންކް އޮފް މޯލްޑިވްސްއަށް ދިގު މުއްދަތަކަށް ހިދުމަތް ކޮށްދެއްވާފައިވާ މުވައްޒަފުންގެ އަގުވަޒަންކޮށް، އެ މުވައްޒަފުންނަށް ލޯންގް ސާވިސް އެވޯޑު ދީފިއެވެ.
އެ ފަރާތްތަކަށް އެވޯޑު ހަވާލު ކުރުމަށް ރޭ ހާއްސަ ހަފްލާއެއް ބާއްވާފައިވާއިރު އެ ހަފްލާގައި ވަނީ ބޭންކަށް ،15 ،20 ،25 30 އަދި 35 އަހަރުގެ މުއްދަތަކަށް ހިދުމަތް ކޮށްދީފައިވާ ޖުމްލަ 29 މުވައްޒަފުންނަށް އެވޯޑު ހަވާލު ކޮށްފައެވެ.
30 އަހަރުގެ ހިދުމަތް ކުރައްވާ އެވޯޑު ހާސިލް ކުރި ތިން ފަރާތަކީ:
- ފާތިމަތު ހުސެން (ކަސްޓަމާ ސާވިސް އޮފިސަރު)
- ފާތިމަތު މުހައްމަދު (އޭޖެންޓު ބެންކިން)
- މަރިޔަމް ހަމީދު (ޗީފް ކޮމްޕްލަޔަނަސް އޮފިސަރު)
35 އަހަރުގެ ހިދުމަތް ކުރެއްވާ އެވޯޑު ހާސިލް ކުރި ތިން ފަރާތަކީ:
- އަމްޝޫދާ ނައީމް (ސްވިފްޓު ސާވިސް މެނޭޖަރު)
- އައިމިނަތު ނަސީމް (ކަސްޓަމާ ސާވިސް މެނޭޖަރު)
- އާއިޝަތު ޝާދުނާ (ޗެކް ޕްރޮސެސިން މެނޭޖަރު)
ރޭގެ ހަފްލާގައި ވާހަކަ ދައްކަވަމުން ބޭންކުގެ ސީއީއޯ އަދި މެނޭޖިން ޑައިރެކްޓަރު މުހައްމަދު ޝަރީފް ވަނީ ބޭންކަށް ދިގު މުއްދަތަކަށް ހިދުމަތް ކޮށްފައިވާ މުވައްޒަފުން މަސައްކަތަށް ދެމުންދާ އަހުމިއްޔަތުކަމަށާއި ވަޒީފާގައި ދިގު މުއްދަތަކަށް ވަފާތެރިކަމާއެކު ދެމިހުރުމާއެކު އެކަމުގެ އަގު ވަޒަންކޮށް ޝުކުރު އަދާކުރައްވާފައެވެ.
"އަދި ފާއިތުވި 35 އަހަރުގެ ދިގު މުއްދަތަކަށް ހީވާގި ކަމާއެކު މަސައްކަތް"ކޮށްދެއްވިކަމަށްޓަކައި އަމްޝޫދ،ާ އާމިނަތު އަދި ޝާދުނާއަށް ހާއްސަ ޝުކުރެއް ދަންނަވަން" ޝަރީފް ވިދާޅުވިއެވެ.
ބޭންކުގައި މިވަގުތު ވަޒީފާ އަދާކުރަމުންދާމުވައްޒަފުންގެ 99 ޕަސެންޓަށް ވުރެ ބޮޑު އިންސައްތައެއް ހިއްސާކުރަނ ދިވެހިން ކަމަށްވާއިރު މުވައްޒަފުންނަށް ވަޒީފާގެ ފުރުސަތާއި މަސައްކަތަށް ބޭނުންވާ ތަމްރީނުދިނުމާއިއިންސާނީ ހުނަރު ތަރައްގީ ކުރުމާއި ވަޒީފާގެ ކުރިއެރުންތައް ދަނީ ފޯރުކޮށްދެމުންނެވެ.
