ދުނިޔޭގެ ނަން މަޝްހޫރު ކޮސްމެޓިކް ބްރޭންޑެއް ކަމަށްވާ "އެބަވް" ގެ ކޮސްމެޓިކްސް ލިބޭ ފިހާރައެއް ހުޅުމާލޭގައި ހުޅުވައިފިއެވެ.
ނޯ ނޭމްގެ ނަމުގައި އިއްޔެ ހުޅުވި މި ފިހާރަ ހުންނަނީ ހުޅުމާލޭ ވިނަރެސް ހަތް ވަނަ ޓަވަރުގެ ގްރައުންޑު ފްލޯގައެވެ. އެބަވް ބްރޭންޑުގެ ކޮސްމެޓިކްސްގެ އެމްބެސެޑަރުންގެ ތެރޭގައި ބްރެޒިލްގެ މަގުބޫލު ތަރި ނޭމާ ޖޫނިއާ ހިމެނިގެން ދިއުމަކީ މި ބްރޭންޑަށް މީހުންގެ ސަމާލުކަން އިތުރުވެގެން ދިޔަ އެންމެ ބޮޑު އެއް ސަބަބަށެވެ.
މި ބްރޭންޑުން ނޭމާ އަށް ހާއްސަކޮށް ޕްރޮޑަކްޓު ލައިނެއް ވެސް ވަނީ ނެރެފައެވެ. މި ލައިންގައި ޑާމަޓޮލޮޖިސްޓުން ޓެސްޓު ކޮށްފައިވާ "ޑާމަ ކްލިނިކަލް" ޕްރޮޑަކްޓުތައް ވެސް ހިމެނެ އެވެ. މިއީ ސެންސިޓިވް ސްކިން ހުންނަ މީހުންނަށް ހާއްސަކޮށްފައިވާ ޕްރޮޑަކްޓުތަކެކެވެ.
ނޯ ނޭމް ފިހާރައިން ކުޅިވަރު ކުޅޭ މީހުންނަށް ހާއްސަ އެބަވް ބްރޭންޑުގެ ބޮޑީ ސްޕްރޭ ލިބެން ހުންނާނެ ކަމަށާއި އޭގެ ތެރޭގައި ފިރިހެނުންނާއި އަންހެނުންގެ އިތުރުން ޓީނޭޖް ކުދިންނަށް ހާއްސަ ބޮޑީ ސްޕްރޭ ވެސް ލިބެން ހުންނާނެ ކަމަށް އެ ފިހާރައިން ވަނީ މައުލޫމާތު ދީފައެވެ.
ކުޅިވަރު ކުޅެގެން އަރާ ކުދި ތަދުތަކަށް ހައްލު ލިބޭ ސްޕްރޭ އަދި ފައިން ނުބައި ވަސް ދުވުމުގެ ހައްލު ހޯދައިދޭ ސްޕްރޭތަށްވެސް އެ ފިހާރައިން ލިބޭނެކަމަށް ނޯ ނޭމް އިން ވަނީ ބުނެފައެވެ. މީގެއިތުރުން އަންހެނުންނާއި ފިރިހެނުން ރީތިވުމަށް ބޭނުންވާ ހުރިހާ ސާމާނެއް ވެސް އެ ފިހާރައިން ލިބޭނެކަމަށްވެސް ނޯ ނޭމް އިން ވަނީ ބުނެފައެވެ.
"އެބަވް" އަކީ 72 ގަޑިއިރަށް އެ ބްރޭންޑުގެ ގިނަ ޕްރޮޑަކްޓުތަކުގެ ވަހާއި ޕްރޮޑަކްޓުން ލިއްބައިދޭ ރައްކާތެރިކަން ހުންނަ ބްރޭންޑެކެވެ. މި ބްރޭންޑުގެ ޑިއޯޑަރަންޓާއި ބޮޑީ ސްޕްރޭ, ރޯލްއޮން އަދި ސަން ޕްރޮޓެކްޝަން ސްޕްރޭ އާއި އިންސެކްޓް ރިޕެލަންޓް ސްޕްރޭ ވެސް ހުރެއެވެ.
