މާލޭ މިސްކިތެއް ތެރޭ ތިބި އަންހެނުންތަކަކަށް ޖިންސީ ގުނަވަން ދެއްކި މީހަކު ހައްޔަރުކޮށްފިއެވެ.
އައިޖީއެމްއެޗު ތެރޭގައި ހުންނަ މިސްކިތުގައި ތިބި އަންހެނުންތަކަކަށް ޖިންސީ ގުނަވަން ދެއްކިކަމުގެ ކުށުގެ ތުހުމަތުގައި ހައްޔަރުކުރީ އުމުރުން 30 އަހަރުގެ ދިވެހި ފިރިހެނެކެވެ.
އައިޖީއެމްއެޗް މިސްކިތް ތެރޭގައި ތިބި އަންހެނުންތަކަކަށް ޖިންސީ ގުނަވަން ދެއްކި ކަމަށް ފުލުހުން ތުހުމަތުކޮށް ހައްޔަރުކުރި މިހާގެ ބަންދާ މެދު ގޮތެއް ނިންމުމަށް ކޯޓަށް ހާޒިރުކުރުމުން ކޯޓުން ވަނީ މި މީހާގެ ބަންދަށް 15 ދުވަސް ޖަހައިފައެވެ. އެމީހާ ކޯޓަށް ބަންދުގެ މުއްދަތު ޖަހަން ހާޒިރުކުރުމުން ވަނީ ގާނޫނީ ވަކީލެއް ބޭނުންވާ ކަމަށާއި އިތުރު ވާހަކައެއް ދައްކަން ބޭނުންނުވާ ކަމަށް ބުނެފައެވެ.
އެމީހާއަކީ މީގެ ކުރިންވެސް މިފަދަ މައްސަލަތަކެއްގައި ބަންދުކޮށްފައިވާ މީހަކަށްވާއިރި މިދިޔަ ޖޫން މަހު ސްކޫލަކަށް ވަދެ، އެ ތަނުގައި ތިބި ބަޔަކަށް ވެސް ޖިންސީ ގުނަވަން ވަނީ ދައްކާފައެވެ.
