އދ. ހަންޏާމީދޫގައި އެކަކު ދިރިއުޅެމުންދާ ގެއެއްގައި ރޯވެ، ބޭނުން ނުކުރެވޭ ވަރަށް ރޭ އަނދައިފިއެވެ.
އެ ރަށު ކައުންސިލަރު ހަސަން އަޝްރަފް 'ދަ ޕްރެސް' އަށް ވިދާޅުވީ، ގޭގެ ވެރިފަރާތުން ލިބުނު މައުލޫމާތަށް ބަލާއިރު، އަލިފާނުގެ ހާދިސާ ހިނގާފައިވަނީ ޗާޖަށް ޖަހާފައިވާ އެއްޗެއް މާ ބޮޑަށް ހޫނުވުމުގެ ސަބަބުން ކަމަށެވެ.
އަޝްރަފް ވިދާޅުވީ، ރޯވީ ބާ ގެއެއްގައި ކަމަށާއި، އެ ގޭގައި ދިރިއުޅެނީ ވެރިފަރާތުން އެކަނި ކަމަށެވެ. އޭނާ ވިދާޅުވީ ވެރިފަރާތުގެ އަންނައުނާއި ފޯނު ފިޔަވައި ހުރިހާ އެއްޗެއް އަނދައި ހުލިވެފައިވާ ކަމަށެވެ.
އެހެންވެ، ގޭގެ ވެރިފަރާތުގެ ދިރިއުޅުން އޭނާގެ އެއްބަފާ ކުޑަބެގެ ގެއަށް ބަދަލުކޮށްފައިވާ ކަމަށް އަޝްރަފް ވިދާޅުވިއެވެ.
އެންޑީއެމްއޭއިން ބުނީ، އަލިފާން ރޯވި ގޭގެ ވެރިފަރާތަށް އެ އިދާރާ އާއި ހަންޏާމީދޫގެ ކައުންސިލާ ގުޅިގެން އެހީތެރިކަން ދެމުން ގެންދާ ކަމަށެވެ.
