ހުޅުމާލޭގެ ވިނަރެސް ފްލެޓް ކައިރީ އިއްޔެ ހިނގި ނުރައްކާތެރި އެކްސިޑެންޓްގައި ހިމެނޭ ކާރުގައި ތިބި ތިން މީހުން ވެސް ހައްޔަރު ކޮށް އެ މީހުންގެ ވަނަވަރު ފުލުހުން އާންުކޮށްފިއެވެ.
ފުލުހުން ބުނީ ހައްޔަރު ކޮށްފައިވަނީ:
- އިކްރާމުއްރަހްމާން (ކ.މާލެ، ހ. ނޫރަންމާގެއާގެ)
- އިބްރާހިމް އިކްރާމް (ކ.މާލެ، މ. ލޭންޑްއޮފްގާޑެން)
- ޖިނާހް އިސްމާއިލް (ގއ.ކަނޑުހުޅުދޫ، އާޒާދުގެ)
ހުޅުމާލޭ ފޭސް 2 ވިނަރެސް ފްލެޓް ކައިރީ ކާރަކާއި ސައިކަލެއް ޖެހި ހިނގި މި އެކްސިޑެންޓުގައި އަނިޔާވެފައި ވަނީ ސައިކަލުގައި އިން ފިރިހެން މީހާއަށެވެ. އޭނާއަށް އަށް ހުޅުމާލޭ ހޮސްޕިޓަލުގައި ފަރުވާ ދިނުމަށްފަހު އިތުރު ފަރުވާ އަށް އައިޖީއެމްއެޗް ހޮސްޕިޓަލަށް ބަދަލު ކޮށްފައިވާ ކަމަށް ހުޅުމާލޭ ހޮސްޕިޓަލުން ވަނީ މައުލޫމާތު ދީފައެވެ.
"ދަ ޕްރެސް" އަށް މައުލޫމާތު ދެމުން އައިޖީއެމްއެޗްގެ މީޑިއާ އޮފިޝަލް ވިދާޅުވީ އެމީހާއަށް ފަރުވާ ދެމުންދަނީ ހޮސްޕިޓަލްގެ އެމެޖެންސީ ރޫމްގައި ކަމަށެވެ. އަދި އޭނާގެ ހާލު ރަނގަޅު ނޫން ކަމަށްވެސް އެ ހޮސްޕިޓަލުން ވަނީ މައުލޫމާތު ދީފައެވެ.
މި އެކްސިޑެންޓުގެ ވީޑިއޯ ސޯޝަލް މީޑިއާގައި ވައިރަލް ވަމުން ދާއިރު، ވީޑިއޯއިން ފެންނަ ގޮތުގައި މަގުމަތީ ދުއްވާފައި ދިޔަ ސައިކަލެއް ވިނަރެސް ކައިރީ މަގުމަތީގައި މަޑުކުރުމަށް ފަހު ސައިކަލް ދުއްވި މީހާއަށް ނުފޭބި އުޅެނިކޮށް ފަހަތުން އައި ކާރު ކޮންޓްރޯލް އިން ނެއްޓި ބާރު ސްޕީޑުގައި ގޮސް ވަނީ ސައިކަލުގައި ޖެހިފައެވެ. އެއާއެކު ސައިކަލުގައި އިން މީހާ ވިއްސައިގެން ގޮސް މާ ދުރަށް ޖެހުނު މަންޒަރު ވީޑިއޯއިން ފެނެއެވެ.
މި މައްސަލަ ފުލުހުން ތަހުގީގު ކުރަމުންދާއިރު ކާރަށާއި ސައިކަލަށް ވެސް ވަނީ ބޮޑެތި ގެއްލުން ވެފައެވެ.
