ބޭންކް އޮފް މޯލްޑިވްސް އަދި ސްވިމިން އެސޯސިއޭޝަން އޮފް މޯލްޑިވްސް ގުޅިގެން ހުޅުމާލެ، އިންޑޯ ސްވިމިން ޕޫލްގައި ކުރިޔަށް ގެންދިޔަ 7 ވަނަ އިންޓަ ސްކޫލް ސްވިމިން ފެސްޓިވަލް ކާމިޔާބުކަމާއެކު ނިންމާލައިފިއެވެ.
ބީއެމްއެލް އިން ބުނީ، 6 ދުވަހަށް ކުރިޔަށް ދިޔަ މި ފެސްޓިވަލް ގައި 23 ސްކޫލަކުން 485 ފެތުންތެރިން ބައިވެރިވެފައިވާ ކަމަށެވެ. މި ފެސްޓިވަލްގައި ބައިވެރިންގެ އުމުރު ފުރާ އަކީ އުމުރުން 6 އަހަރާއި 10 އަހަރާ ދެމެދުގެ އުމުރު ފުރާއެވެ.
އެގޮތުން މި ފެސްޓިވަލްގައި ބައިވެރިން ވާދަކޮށްފައި ވަނީ ފްރީސްޓައިލް، ފްލައި، ބެކްސްޓޯރޯކް، ބްރެސްޓްސްޓްރޯކް އަދި އިންޑިވިޖުއަލް މެޑްލީ ރޭސް ފަދަ ތަފާތު އިވެންޓްތަކުގައެވެ. މި ފެސްޓިވަލްގެ މަގުސަދަކީ ކުޅިވަރުގައި ޒުވާނުންގެ ކުރިއެރުން ފާހަގަކޮށް، ޒުވާން އެތުލީޓުންނަށް ކުޅިވަރުގެ ފުރިހަމަ ގާބިލްކަން ހާސިލް ކުރުމަށް ބާރުއެޅުން ކަމަށް ބީއެމްއެލް އިން ބުނެއެވެ.
މި ފެސްޓިވަލް ގެ ކްލޯސިން ސެރެމަނީ އިއްޔެ ބާއްވާފައި ވާ އިރު، ވަނަވަނަ ހާސިލްކުރި ދަރިވަރުންނަށް ވަނީ މެޑަލް ހާވާލު ކޮށްފައެވެ.
