މާލޭގައި ހުންނަ ކޭއެފްސީ ރެސްޓޯރެންޓުގެ ބިއްލޫރިގަނޑެއް، އަނެއްކާވެސް ތަޅާލައިފިއެވެ.

ފުލުހުން ބުނީ ރޭ 04:32 ހާއިރު އަމީނީ މަގުގަައި ހުންނަ ކޭއެފްސީ ގެ ބިއްލޫރި ގަނޑެއް ގާބުރިއަކުން ޖަހާ ތަޅާލާފައިވާ މައްސަލައެއް ރިޕޯޓްކޮށްފައިވާ ކަމަށެވެ. އިތުރަށް ފުލުހުން ބުނީ މި މައްސަލަ އާއި ގުޅިގެން އަދި މިހާތަނަށް އެއްވެސް މީހަކު ހައްޔަރުކޮށްފައި ނުވާކަމަށާއި މި މައްސަލަ ތަހުގީގުކުރަމުން އަންނަކަމަށެވެ.

https://thepress.mv/155136

އަމީނީ މަގުގައި ހިންގަމުންދާ ކޭއެފްސީ ރެސްޓޯރަންޓުގެ ބިއްލޫރިގަނޑެއް މި މަހުގެ 16 ވަނަ ދުވަހުވެސް ތަޅާލާފައިވާއިރު މި ހާދިސާއާއި ގުޅިގެން މީހަކު ހައްޔަރުކުރިކަމެއް އޭރު ފުލުހުން ހާމަކޮށްފައެއް ނުވެއެވެ.

ކޭއެފްސީގެ ބިއްލޫރިގަނޑު ދެ ފަހަރެއްގެ މަތިން ތަޅާލާފައިވާއިރު، އިޒްރޭލުން ގާޒާގައި ހިނގަމުންދާ ލާއިންސާނީ އަނިޔާތަކަށް ވާގިވެރިވާ ވިޔަފާރިތައް ބޮއިކޯޓްކުރުމަށް ގިނަ ބަޔަކު ގޮވާލަމުން އަންނައިރު މިދިޔަ އަހަރުވެސް ކޭއެފްސީ އާއި ޕިއްޒާ ހަޓް ރެސްޓޯރެންޓް އަދި ކޮކާކޯލާ ގުދަނަށް ބަޔަކު ވަނީ ކަޅުތެޔޮ ޖަހާފައެވެ.

ހަބަރު ކޭއެފްސީ ޕޮލިސް