ބޭރުގެ ފަރާތްތަކަށް ވެސް ކުރިމަތިލެވޭނެހެން ސަރުކާރުގެ މަސް ކުންފުނި މިފްކޯ އަށް ސީއީއޯ / މެނޭޖިން ޑިރެކްޓަރުގެ މަގާމަށް ކުރިމަތިލުމުގެ ފުރުސަތު ހުޅުވާލައި ކުރި އިއުލާނު ބާތިލްކޮށްފިއެވެ.

މިފްކޯގެ ސީއީއޯ / މެނޭޖިން ޑިރެކްޓަރުގެ މަގާމު ހުސްވީ އެ މަގާމުގައި ހުންނެވި އަހްމަދު ޝަމާހު ރަޝީދު މިދިޔަ މޭ މަހުގެ 21 ވަނަ ދުވަހު ވަކިކޮށް، ފިޝަރީޒް މިނިސްޓްރީގެ ސްޓޭޓް މިނިސްޓަރުގެ މަގާމަށް އައްޔަންކުރުމާ ގުޅިގެންނެވެ.

https://thepress.mv/154717

އެހެންވެ، ޕްރައިވަޓައިޒޭޝަން އެންޑް ކޯޕޮރަޓައިޒޭޝަން ބޯޑުން ވަނީ މިފްކޯގެ ސީއީއޯ / މެނޭޖިން ޑިރެކްޓަރު ކަމަށް ކުރިމަތިލުމުގެ ފުރުސަތު ހުޅުވާލައި، މިދިޔަ މަހުގެ ފަހުކޮޅު އިއުލާނެއް ކޮށްފައެވެ. އެ އިއުލާނުގައިވާ ގޮތުން، އިއްޔެ މެންދުރުފަހު 2 ޖެހުމާ ހަމައަށް، މަގާމަށް ކުރިމަތިލުމުގެ ފުރުސަތު ވަނީ ހުޅުވާލައިފައެވެ.

އެކަމަކު ޕީސީބީން މިއަދު ބުނީ، ޝަރުތު ހަމަވާ އެއްވެސް ފަރާތަކުން އެ މަގާމަށް ކުރިމަތިލާފައިނުވާތީ އިއުލާނު ބާތިލްކޮށްފައިވާ ކަމަށެވެ.

ހަބަރު ވިޔަފާރި މިފްކޯ ޕީސީބީ