ރާއްޖޭގެ ފަޅުރަށަކަށް ލެއްގި، ޑިންގީގައި ތިބި ސޯމާލިއާ 3 މީހުން މިއަދު ހުޅުމާލެ އިމިގްރޭޝޭން ފެސިލިޓީ އާ ހަވާލު ކޮށްފައި ވާކަމަށް ފުލުހުން ބުނެފިއެވެ.
ފުލުހުން ބުނީ މި މަހުގެ 22 ވަނަ ދުވަހު ޑިންގީއާއެކު ރާއްޖޭގެ ފަޅުރަށަކަށް ލެއްގި ޑިންގީގައި ތިބި ސޯމާލިއާ މީހުންނަކީ، ކަނޑުމަތިގައި ހާލުގައި ޖެހި ބެހިގެން އާދެވުނު ބައެއްކަން މިހާތަނަށް ބެލި ބެލުމުން އެނގިފައި ވާކަމަށެވެ.
ހޮޅަދޫއަށް ގެންގޮސް ކައުންސިލުގެ އެހީތެރިކަމާއެކު އެމީހުންނަށް، އެންމެ ފުރަތަމަ ވަގުތީ ބޯހިޔާވަހިކަން ފޯރުކޮށް ދީފައި ވަނީ އެ ރަށުގައެވެ. އަދި މިއަދު އެމީހުް އިމިގްރޭޝަނާއި ހަވާލު ކޮށްފައި ވާއިރު މިކަމާއި ގުޅޭ އިތުރު އެއްވެސް ތަފްސީލެއް ފުލުހުން ހާމަކޮށްފައެއް ނުވެއެވެ.
އިރުމަތީ އެފްރިކާއަށް ނިސްބަތްވާ ސޯމާލިއާއަކީ ފަގީރުންގެ ނިސްބަތް ވަރަށް ގިނަ ގައުމަކަށްކަށް ވާއިރު އެމީހުންނަކީ އެއް ގައުމުން އަނެއް ގައުމަށް ހިޖުރަ ކުރުމަށް ޑިންގީ ފަދަ ތަކެތި ބޭނުން ކުރާ ބެކެވެ.
