މާލެ ސިޓީގެ، ގަލޮޅު ސިނަމާލެ 3 ގެ ޓެރެސް މަތިން ވައްކަން ކުރަން އުޅުނު ކަމުގެ ތުހުމަތުގައި ހައްޔަރުކުރި ދެ މީހުންގެ ބަންދުގެ މުއްދަތު ޖަހައިފިއެވެ.
ފުލުހުން ބުނީ ސިނަމާލެ 3 ގެ ޓެރެސް މަތިން ވައްކަން ކުރަން އުޅުނު މައްސަލަ ހުށަހަޅަފާއިވަނީ އިއްޔެރޭ ފަތިހު 5:01 ހާއިރު ކަމަށެވެ. މި މައްސަލައިގެ ތުހުމަތުގައި 35 އަހަރުގެ ދެ މީހުންނާއި 42 އަހަރުގެ މީހަކު ހައްޔަރުކޮށްފައިވާއިރު މި ތިން މީހުންނަކީ ވެސް ދިވެހިންކަމަށް ފުލުހުން ވަނީ ބުނެފައެވެ.
އިތުރަށް ފުލުހުން ބުނީ މި މައްސަލައާއި ގުޅިގެން ހައްޔަރުކުރި މީހުންގެ ބަންދާ މެދު ގޮތެއް ނިންމުމަށް އިއްޔެ ކްރިމިނަލް ކޯޓަށް ހާޒިރުކުރުމުން މި ތިން މީހުންގެ ބަންދަށްވެސް 7 ދުވަސް ޖަހާފައިވާކަމަށެވެ.
މި މައްސަލަ ފުލުހުން އަންނަނީ އިތުރަށް ތަހުގީގުކުރަމުންނެވެ.
މި މަހުގެ ތެރޭގައި ސިނަމާލެ 3 ގެ ފެން މޯޓަރުގެ ކޭބަލް ބުރިކޮށްގެން ވަގަށް ނަގާފައިވާއިރު ސިނަމާލެ ފްލެޓްތަކުން ވައްކަންކުރުމާއި އެ ތަންތަނުގައި މަސްތުވާތަކެތި ބޭނުންކުރާ މައްސަލައިގައި ގިނަ ބަޔަކުވަނީ މީގެ ކުރިންވެސް ކަންބޮޑުވުންފާޅުކޮށްފައެވެ.
