މޯލްޑިވްސް އިންޓަނޭޝަނަލް ފައިނޭންސް އޮތޯރިޓީ އިން ސެންޓްރަލް ބޭންކް އޮފް ބަހްރެއިން (ސީބީބީ) އާ ބައްދަލުކޮށް އެ ބޭންކް ހިންގާ ގޮތާއި މަސައްކަތުގެ ދާއިރާގެ މައުލޫމާތު ހޯދައިފިއެވެ.
މި ބައްދަލުވުމުގައި ފައިނޭންސް އޮތޯރިޓީގެ ޗެއާޕާސަން އަބްދުﷲ ޖިހާދު އަދި ސީބީބީގެ ގަވަރުނަރު ހާލިދު ހުމައިދާން ބައިވެރިވެ ވަޑައިގެންނެވިއެވެ.
ބޭންކް ހިންގާ ގޮތުގެ އިތުރުން ފައިނޭޝިއަލް ޓެކްނިލޮޖީ، ކެޕިޓަލް މާކެޓް، އެސެޓް މެނޭޖްމެންޓް އަދި އިންޝުއަރެންސާ ގުޅޭގޮތުން ސީބީސީއިން ވަނީ ފައިނޭންސް އޮތޯރިޓީއާ މައުލޫމާތު ހިއްސާކޮށްފައެވެ.
ބަހްރެއިންގެ ޖީޑީޕީގެ 17.5 ޕަސެންޓް ހިއްސާކުރަނީ މާލީ ހިދުމަތުގެ ދާއިރާއެވެ. މިއީ ދެވަނައަށް އެ ގައުމުގެ ޖީޑީޕީގެ ހިއްސާ ކުރާ އެންމެ ބޮޑު ދާއިރާއެވެ.
ސީބީބީގެ އިތުރުން ބަހްރެއިންގެ ޑިވެލޮޕްމެންޓް ބޭންކް، ބަހްރެއިންގެ އޮސޯސިއޭޝަން ބޭންކްސްއާ ވެސް ފައިނޭންސް އޮތޯރިޓީއިން ވަނީ ބައްދަލުކޮށްފައެވެ. ފައިނޭންސް އޮތޯރިޓީއިން ވަނީ ބުނީ އެ ބޭންކްތަކުން ވަނީ ރާއްޖޭގެ ޑިވެލޮޕްމެންޓް ބޭންކްތައް އަދި އިންޓަނޭޝަނަލް ފައިނޭންޝިއަލް ސެންޓާއާ ގުޅޭ މަޝްވަރާތަކެއް ކުރިއަށް ގެންގޮސްފައިވާ ކަމަށެވެ.
