ސްޓޭޓް އޯންޑް އެންޓަރޕްރައިސަސް ކޮމިޓީ (އެސްއޯއީ) ކޮމިޓީގެ މުގައްރިރަކަށް އިބްރާހިމް ޝުޖާއު އަދި ހާރިޖީ ގުޅުންތަކުގެ ކޮމިޓީގެ މުގައްރިރަކަށް މަތިވެރި ދާއިރާގެ މެންބަރު ހަސަން ޒަރީރު އިންތިހާބު ވެވަޑައިގެންފިއެވެ.
އެ މަގާމަށް ޝުޖާއުއާއި ޒަރީރު އިންތިހާބު ކޮށްފައި ވަނީ މިއަދު ބޭއްވި އެ ކޮމިޓީތަކުގެ ފުރަތަމަ ބައްދަލުވުމުގައެވެ.
އެސްއޯއީ ކޮމިޓީއަށް ޝުޖާއުގެ ނަން ހުށަހަޅުއްވާފައި ވަނީ ފޭދޫ ދެކުނު ދާއިރާގެ މެންބަރު އިބްރާހިމް ދީދީއެވެ. އަދި އެ ހުށަހެޅުމަށް ތޮއްޑޫ ދާއިރާގެ މެންބަރު ހުސައިން ސަމީރު ވަނީ ތާއީދު ކުރައްވާފައެވެ.
އެ ކޮމިޓީގެ ނައިބު މުގައްރިރުގެ މަގާމަށް އިބްރާހިމް ދީދީ ވަނީ ފުވައްމުލަކު ދެކުނު ދާއިރާގެ މެންބަރު އިބްރާހިމް ހުސައިންގެ ނަން ހުށަހަޅުއްވާފައެވެ. އަދި އެ ހުށަހެޅުމަށް ގާސިމް ވަނީ ތާއީދު ކުރައްވާފައެވެ.
އެ ދެ މަގާމަށް އެ ދެ ބޭފުޅުން އިންތިހާބުވެ ވަޑައިގެންފައި ވަނީ ކޮމިޓީގެ އިއްތިފާގުންނެވެ.
ސްޓޭޓް އޯންޑް އެންޓަރޕްރައިސަސް ކޮމިޓީ:
- ބާރަށު މެންބަރު ދާއިރާގެ މެންބަރު އިބްރާހިމް ޝުޖާއު (މުގައްރިރު)
- ފުވައްމުލަކު ދެކުނު ދާއިރާގެ މެންބަރު އިބްރާހިމް ހުސައިން (ނައިބު މުގައްރިރު)
- މާފަންނު އުތުރު ދާއިރާގެ މެންބަރު މުހައްމަދު ނާޒިމް
- ތޮއްޑޫ ދާއިރާގެ މެންބަރު ހުސައިން ސަމީރު
- ދިއްގަރު ދާއިރާގެ މެންބަރު އަހުމަދު ނާޒިމް
- ކިނބިދޫ ދާއިރާގެ މެންބަރު އަލީ އަޝްރަގް
- ގަމު ދާއިރާގެ މެންބަރު ޔޫސުފް ނަޝީދު
- މާވަށު ދާއިރާގެ މެންބަރު އަހުމަދު ޝާކިރު
- ފަރެސްމާތޮޑާ ދާއިރާގެ މެންބަރު އަޝްރަފް ރަޝީދު
- ގައްދޫ ދާއިރާގެ މެންބަރު މުހައްމަދު އަލީ
- ފޭދޫ ދެކުނު ދާއިރާގެ އިބްރާހިމް ދީދީ
ހާރިޖީ ގުޅުންތަކުގެ ކޮމިޓީގެ މުގައްރިރުގެ މަގާމަށް މަތިވެރީ ދާއިރާގެ މެންބަރު ހަސަން ޒަރީރުގެ ނަން ހުށަހަޅުއްވާފައި ވަނީ މައްޗަންގޯޅި އުތުރު ދާއިރާގެ މެންބަރު އިބްރާހިމް މުހައްމަދެވެ. އަދި އެ ހުށަހެޅުމަށް ކުޅުދުއްފުށީ އުތުރު ދާއިރާގެ މެންބަރު މުހައްމަދު ދާއޫދު ވަނީ ތާއީދު ކުރައްވާފައެވެ.
އެ ކޮމިޓީގެ ނައިބު މުގައްރިރުގެ މަގާމަށް ކެނދިކުޅުދޫ ދާއިރާގެ މެންބަރު މުހައްމަދު އަފޫ ހާމިދު ވަނީ ދާއޫދުގެ ނަން ހުށަހަޅުއްވާފައެވެ. އަދި އެ ހުށަހެޅުމަށް ވިލިގިލި ދާއިރާގެ މެންބަރު އާޒިމް އަބްދުލް އަޒީޒް ވަނީ ތާއީދު ކުރައްވާފައެވެ.
އެ ދެ މަގާމަށް އެ ދެ ބޭފުޅުން އިންތިހާބުވެ ވަޑައިގެންފައި ވަނީ ކޮމިޓީގެ އިއްތިފާގުންނެވެ.
ހާރިޖީ ގުޅުންތަކުގެ ކޮމިޓީ:
- މަތިވެރި ދާއިރާގެ މެންބަރު ހަސަން ޒަރީރު
- ކުޅުދުއްފުށީ އުތުރު ދާއިރާގެ މެންބަރު މުހައްމަދު ދާއޫދު
- ފުވައްމުލަކު ދެކުނު ދާއިރާގެ މެންބަރު އިބްރާހިމް ހުސައިން
- ކެނދިކުޅުދޫ ދާއިރާގެ މެންބަރު މުހައްމަދު އަފޫ ހާމިދު
- ހިންނަވަރު ދާއިރާގެ މެންބަރު މުހައްމަދު އަބްދުއް ރަހްމާން
- ގުރައިދޫ ދާއިރާގެ މެންބަރު ހަނާން މުހައްމަދު ރަޝީދު
- ވިލިގިލި ދާއިރާގެ މެންބަރު އާޒިމް އަބްދުލް އަޒީޒް
- ހުޅުމާލެ މެދު ދާއިރާގެ މެންބަރު އަބްދުﷲ ޝަޒީމް
- މައްޗަންގޯޅި އުތުރު ދާއިރާގެ މެންބަރު އިބްރާހިމް މުހައްމަދު
- މަރަދޫ ދާއިރާގެ މެންބަރު އަހުމަދު ދީދީ
- ވައިކަރަދޫ ދާއިރާގެ މެންބަރު ހުސައިން ޒިޔާދު
ނިމިދިޔަ ރައްޔިތުންގެ މަޖިލީހުގައި ސްޓޭޓް އޯންޑް އެންޓަރޕްރައިސަސް ކޮމިޓީ އަދި ހާރިޖީ ގުޅުންތަކުގެ ކޮމިޓީގެ މެންބަރުންގެ ގޮތުގައި ހިމެނިވަޑައިގަންނަވަނީ 12 މެންބަރުންނެވެ. އެހެންނަމަވެސް 20 ވަނަ ރައްޔިތުންގެ މަޖިލީހުގެ ފުރަތަމަ ޖަލްސާގައި އެ އަދަދު 11 އަށް ބަދަލުކޮށް ވަނީ ފާސްކޮށްފައެވެ.
