ލާމަރުކަޒީ ކޮމިޓިގެ މުގައްރިރު ކަމަށް މައްޗަންގޯޅި މެދު ދާއިރާގެ މެންބަރު އަހުމަދު ޒަމީރު އަދި ގަވާއިދު ކޮމިޓީގެ މުގައްރިރު ކަމަށް ތުލުސްދޫ ދާއިރާގެ މެންބަރު އިބްރާހިމް ނަސީމް ހަމަޖައްސައިފިއެވެ.
އެ މަގާމަށް ޒަމީރާއި ނަސީމް އިންތިހާބުކޮށްފައިވަނީ މިއަދު ބޭއްވި އެ ކޮމިޓީތަކުގެ ފުރަތަމަ ބައްދަލުވުމުގައެވެ.
ލާމަރުކަޒީ ކޮމިޓީގެ މުގައްރިރުގެ މަގާމަށް ޒަމީރުގެ ނަން ހުށަހަޅުއްވާފައި ވަނީ ކޮލަމާފުށި ދާއިރާގެ މެންބަރު އިބްރާހިމް ދީދީއެވެ. އަދި އެ ހުށަހެޅުމަށް ހެންވޭރު އުތުރު ދާއިރާގެ މެންބަރު އަހުމަދު އައިފާން ވަނީ ތާއީދު ކުރައްވާފައެވެ. އަދި އެ ކޮމިޓީގެ ނައިބު މުގައްރިރުގެ މަގާމަށް ޒަމީރު ވަނީ ވިލުފުށީ ދާއިރާގެ މެންބަރު ހަސަން ވަހީދުގެ ނަން ހުށަހަޅުއްވާފައެވެ. އަދި އެ ހުށަހެޅުމަށް ގެމަނަފުށީ ދާއިރާގެ މެންބަރު އަސަދުﷲ ޝިހާމް ވަނީ ތާއީދު ކުރައްވާފައެވެ.
އެ ދެ މަގާމަށް އެ ދެ ބޭފުޅުން އިންތިހާބުވެ ވަޑައިގެންފައި ވަނީ ކޮމިޓީއަށް މި ވަގުތު ހާޒިރުވެވަޑައިގެން ތިއްބެވި މެންބަރުގެ އިއްތިފާގުންނެވެ.
ލާމަރުކަޒީ ކޮމިޓީ:
- މައްޗަންގޯޅި މެދު ދާއިރާގެ މެންބަރު އަހުމަދު ޒަމީރު (މުގައްރިރު)
- ވިލުފުށި ދާއިރާގެ މެންބަރު ހަސަން ވަހީދު (ނައިބު މުގައްރިރު)
- ހެންވޭރު އުތުރު ދާއިރާ މެންބަރު އަހުމަދު އައިފާން
- އުނގޫފާރު ދާއިރާގެ މެންބަރު އިބްރާހިމް ޝިފާޒު
- ނައިފަރު ދާއިރާގެ މެންބަރު ޔާސީން އަބްދުﷲ
- ބިލެއްދޫ ދާއިރާގެ މެންބަރު އަހުމަދު އަސްލަމް
- ގެމަނަފުށި ދާއިރާގެ މެންބަރު އަސަދުﷲ ޝިހާބް
- ކޮލަމާފުށި ދާއިރާގެ މެންބަރު އިބްރާޙިމް ދީދީ
- ނިލަންދޫ ދާއިރާގެ މެންބަރު ފާތުމަތު ސައުދާ
- ކެޔޮދޫ ދާއިރާގެ މެންބަރު މުހައްމަދު ނިއުޝާދު
- އައްޑޫ މީދު ދާއިރާގެ މެންބަރު އަބްދުއް ރަހްމާން
އޭގެ އިތުރުން ގަވާއިދު ކޮމިޓީގެ މުގައްރިރު ކަމަށް ނަސީމްގެ ނަން ހުށަހަޅުއްވާފައިވަނީ އިސްދޫ ދާއިރާގެ މެންބަރު އިސްމާއިލް ޝަފީއުއެވެ. އެ ހުށަހެޅުމަށް ތާއިދުކުރައްވާފައިވަނީ ވިލުފުށީ ދާއިރާގެ މެންބަރު އިބްރާހިމް ނަސީމެވެ. އަދި އެ މަގާމަށް ނަސީމް އިންތިހާބުކޮށްފައިވަނީ ކޮމިޓީއަށް ހާޒިރުވި މެންބަރުގެ އިއްތިފާގުންނެވެ.
އެ ކޮމިޓީގެ ނައިބު މުގައްރިރަކަށް ހުރާ ދާއިރާގެ މެންބަރު އަނާރާގެ ނަން ހުށަހެޅުއްވީ ހަސަން ވަހީދެވެ. އަދި އެ ހުށަހެޅުމަށް ވެލިދޫ ދާއިރާ މެންބަރު މުހައްމަދު އައްބާސް ތާއިދުކުރައްވާފައިވާއިރު އެ ހުށަހެޅުން ފާސްވެފައިވަނީ ކޮމިޓީގައި ބައިވެރިވެވަޑައިގެންނެވި މެންބަރުންގެ އިއްތިފާގުންނެވެ.
ގަވާއިދު ކޮމިޓީ:
- ތުލުސްދޫ ދާއިރާގެ މެންބަރު އިބްރާހިމް ނަސީމް
- ހުރާ ދާއިރާގެ މެންބަރު އަނާރާ ނައީމް
- ކުޅުދުއްފުށީ އުތުރު ދާއިރާގެ މެންބަރު މުހައްމަދު ދާއޫދު
- ވިލުފުށީ ދާއިރާގެ މެންބަރު ހަސަން ވަހީދު
- މަނަދޫ ދާއިރާގެ މެންބަރު ހުސްނީ މުބާރިކް
- އިހަވަންދޫ ދާއިރާގެ މެންބަރު އަހުމަދު ނަސީރު
- އިސްދޫ ދާއިރާގެ މެންބަރު އިސްމާއިލް ޝަފީއު
- ގަމު ދާއިރާގެ މެންބަރު ޔޫސުފް ނަޝީދު
- ހޮޅުދޫ ދާއިރާގެ މެންބަރު އަބްދުއް ސައްތާރު މުހައްމަދު
- ގަލޮޅު އުތުރު ދާއިރާގެ މެންބަރު މުހައްމަދު އިބްރާހިމް
- ވެލިދޫ ދާއިރާގެ މެންބަރު މުހައްމަދު އައްބާސް
ނިމިދިޔަ ރައްޔިތުންގެ މަޖިލީހުގައި ލާމަރުކަޒީ ކޮމިޓީގައި ހިމެނިވަޑައިގަންނަވަނީ 9 މެންބަރުން އަދި ގަވާއިދު ކޮމިޓީގައި ހިމެނިވަޑައިގަންނަވަނީ 10 މެންބަރުން ނަމަވެސް 20 ވަނަ ރައްޔިތުންގެ މަޖިލީހުގެ ފުރަތަމަ ޖަލްސާގައި އެ އަދަދު 11 އަށް ބަދަލުކޮށް ވަނީ ފާސްކޮށްފައެވެ.
