މާލިއްޔަތު ކޮމިޓީގެ މުގައްރިރު ކަމަށް މާމިގިލި ދާއިރާގެ މެންބަރު ގާސިމް އިބްރާހިމް ހަމަޖައްސައިފިއެވެ.
އެ މަގާމަށް ގާސިމް އިންތިހާ ބުކޮށްފައި ވަނީ މިއަދު ބޭއްވި މާލިއްޔަތު ކޮމިޓީގެ ފުރަތަމަ ބައްދަލުވުމުގައެވެ. އެ މަގާމަށް ގާސިމްގެ ނަން ހުށަހަޅުއްވާފައި ވަނީ އޭދަފުށީ ދާއިރާގެ މެންބަރު އަހުމަދު ސަލީމެެވެ. އަދި އެ ހުށަހެޅުމަށް ބާރަށު ދާއިރާގެ މެންބަރު އިބްރާހިމް ޝުޖާއު ވަނީ ތާއީދު ކުރައްވާފައެވެ.
އެ ކޮމިޓީގެ ނައިބު މުގައްރިރުގެ މަގާމަށް ޝުޖާއު ވަނީ ސަލީމްގެ ނަން ހުށަހަޅުއްވާފައެވެ. އަދި އެ ހުށަހެޅުމަށް ގާސިމް ވަނީ ތާއީދު ކުރައްވާފައެވެ.
އެ ދެ މަގާމަށް އެ ދެ ބޭފުޅުން އިންތިހާބުވެ ވަޑައިގެންފައި ވަނީ ކޮމިޓީގެ އިއްތިފާގުންނެވެ.
މާލިއްޔަތު ކޮމިޓީގެ މެންބަރުން:
- އޭދަފުށީ ދާއިރާގެ މެންބަރު އަހުމަދު ސަލީމް (މުގައްރިރު)
- މާމިގިލީ ދާއިރާގެ މެންބަރު ގާސިމް އިބްރާހިމް (ނައިބު މުގައްރިރު)
- ފުނަދޫ ދާއިރާގެ މެންބަރު މުހައްމަދު މަމްދޫހް
- ހިތަދޫ މެދު ދާއިރާ މެންބަރު އަހުމަދު އަޒާން މަރުޒޫގް
- ކެލާ ދާއިރާގެ މެންބަރު އަބްދުﷲ ޝަރީފް
- ފުވައްމުލަކު އުތުރު ދާއިރާގެ މެންބަރު ހަމަދު އަބްދުﷲ
- ބާރަށު ދާއިރާގެ މެންބަރު އިބްރާޙިމް ޝުޖާއު
- ދިއްގަރު ދާއިރާގެ މެންބަރު އަހުމަދު ނާޒިމް
- ގެމަނަފުށީ ދާއިރާގެ މެންބަރު އަސަދުﷲ ޝިހާބް
- ހުޅުމާލެ ދެކުނު ދާއިރާގެ މެންބަރު އަހުމަދު ޝަމްހީދު
- ހަނިމާދޫ ދާއިރާގެ މެންބަރު އަބްދުލް ގަފޫރު މޫސާ
ނިމިދިޔަ ރައްޔިތުންގެ މަޖިލީހުގައި މާލިއްޔަތު ކޮމިޓީގައި ހިމެނިވަޑައިގަންނަވަނީ 16 މެންބަރުން ނަމަވެސް 20 ވަނަ ރައްޔިތުންގެ މަޖިލީހުގެ ފުރަތަމަ ޖަލްސާގައި އެ އަދަދު 11 އަށް ބަދަލުކޮށް ވަނީ ފާސްކޮށްފައެވެ.
