ބައިނަލްއަގުވާމީ ޖަމިއްޔާތަކާއި ބޭރު ގައުމުތައް ހިމެނޭގޮތަށް، ރައީސް ޑރ. މުހައްމަދު މުއިއްޒު، ނުވަ ސަފީރަކު އައްޔަން ކުރައްވައިފިއެވެ.
ރައީސް އޮފީހުގައި މިއަދު ހެނދުނު އޮތް ރަސްމިއްޔާތެއްގައި އެ ނުވަ ބޭފުޅުންނަށް ވެސް ސަފީރުކަމުގެ ފަތްކޮޅު އެރުއްވީ ރައީސެވެ. އެ ބޭފުޅުންނަކީ:
- ޔޫއޭއީގެ ސަފީރު ކަމަށް ފޮރިން މިނިސްޓްރީގެ އެމްބެސެޑާ އެޓް ލާޖް މުހައްމަދު ހުސައިން ޝަރީފް (މުންދު)
- އދ އަށް ރާއްޖޭން ކަނޑައަޅާ ދާއިމީ މަންދޫބު ކަމަށް ޑރ. އަލީ ނަސީރު މުހައްމަދު
- އިނގިރޭސިވިލާތުގެ ސަފީރުކަމަށް ކުރީގެ ޔޫތު މިނިސްޓަރު ޑރ. އިރުތިޝާމް އާދަމް
- ސްރީލަންކާގެ ސަފީރު ކަމަށް މަސްއޫދު އިމާދު
- މެލޭޝިއާގެ ސަފީރު ކަމަށް ޑރ. މަރިޔަމް ޝަބީނާ އަހްމަދު
- ބެލްޖިޔަމަށާއި ވިލާތުގެ އިއްތިހާދުގެ ސަފީރު ކަމަށް ގީލާ އަލީ
- ޖެނީވާގަ ހުންނަ އދ އޮފީހުގެ ދާއިމީ މަންދޫބު ކަމަށް ޑރ. ސަލްމާ ރަޝީދު
- ސިންގަޕޫރުގެ ސަފީރު ކަމަށް މުހައްމަދު ލުވެއިޒް
- ޗައިނާގެ ސަފީރުކަމަށް އެމްއެމްއޭގެ ކުރީގެ ގަވަރުނަރު ޑރ. ފަޒީލް ނަޖީބު
އެ ނުވަ ބޭފުޅުންގެ ތެރެއިން ސަފީރުކަމަށް އައްޔަންކުރުމަށް ޑރ. ފަޒީލަށް މަޖިލީހުން ރުހުންދިނީ އިއްޔެއެވެ. ދެން ތިއްބެވި ބޭފުޅުންނަށް ރުހުން ދިނީ މިދިޔަ ހަފްތާގައެވެ.
