ރޭ ދަންވަރުގެ ވަގުތެއްގައި ގެއްލިގެން ހޯދަމުން ދަނިކޮށް އުމުރުން 50 އަހަރުގެ އިސްމާއީލް މާހިރު މާލޭން ފެނިއްޖެ ކަމަށް، ފުލުހުން ބުނެފިއެވެ.
ހއ، ދިއްދު އަށް ނިސްބަތްވާ، ހުޅުމާލޭގެ ދެވަނަ ފިޔަވަހީގައި މިހާރު ދިރިއުޅެމުންދާ މާހިރު ގެއްލުނު ކަމަށް ފުލުހުންނަށް ރިޕޯޓުކުރީ ރޭ ދަންވަރު 1 ޖަހާކަން ހާއިރެވެ. މާހިރުގެ އާއިލާ އާ ހަވާލާދީ ފުލުހުން ބުނީ، ހުކުރަށް ދާން ނުކުތް ފަހުން އޭނާގެ ހަބަރެއް ނުވި ކަމަށެވެ.
ހުކުރަށް ދިޔަ އިރު މާހިރު ލައިގެން ހުރީ މާ ޖެހި ހުދުކުލައިގެ ގަމީހަކާއި، ނޫ ކުލައިގެ ޖިންސެއް ކަމަށް ވެސް، އާއިލާ އާ ހަވާލާދީ ފުލުހުން މިއަދު ބުންޏެވެ.
އިތުރު ތަފްސީލެއް ހާމަނުކުރި ނަމަވެސް، ފުލުހުން ބުނީ މިއަދު ހަވީރު 4:40 ހާއިރު މާހިރު މާލޭން ފެނިއްޖެ ކަމަށާއި، އޭނާގެ ހާލު ރަނގަޅު ކަމަށެވެ.
