އިއްޔެ ބޭއްވި ރިޔާސީ އިންތިހާބުގައި ޕީއެންސީގެ ރިޔާސީ ކެންޑިޑޭޓް ޑރ. މުހައްމަދު މުއިއްޒު ހޯއްދެވި ކާމިޔާބީ ފާހަގަކުރުމަށް އެއްވުމެއް ބޭއްވުމަށް ނިންމައިފިއެވެ.
"ޝުކުރިއްޔާ ދިވެހިން" ނަމުގައި ބޭއްވުމަށް ނިންމި އެއްވުން އޮންނާނީ މިރޭ 8:30 ގައި އާޓިފިޝަލް ބީޗް ސަރަހައްދުންނެވެ. މި އެއްވުމުގައި ޕީޕީއެމް/ޕީއެންސީ ކޯލިޝަނަށް ތާއިދުކުރާ ހުރިހާ އެންމެންވެސް ބައިވެރިވުމަށް ޕީޕީއެމްގެ ސެކްރެޓަރީ ޖެނެރަލް މުހައްމަދު ތޮލާލް ވަނީ އެދިވަޑައިގެންފައެވެ.
ރިޔާސީ އިންތިހާބުގެ ފުރަތަމަ ބުރުގައި ޑރ. މުހައްމަދު މުއިއްޒު ވަނީ 101635 ވޯޓު ހޯއްދަވާފައެވެ. މިއީ ވޯޓުލީ މީހުންގެ ނިސްބަރުން 46.06 ޕަސެންޓެވެ. މި އިންތިހާބުގައި ދެވަނަ އަށް އެންމެ ގިނަ ވޯޓު ހޯއްދެވި އެމްޑީޕީގެ ރިޔާސީ ކެންޑިޑޭޓް ރައީސް އިބްރާހީމް މުހައްމަދު ސޯލިހް ވަނީ 86161 ވޯޓު ކާމިޔާބު ކުރައްވާފައެވެ. އެއީ ވޯޓުލީ މީހުންގެ 39.05 ޕަސެންޓެވެ.
މި އިންތިހާބުގައި އެއްވެސް ކެންޑިޑޭޓަކަށް 50 ޕަސެންޓަށް ވުރެ މަތިން ވޯޓުލިބިފައި ނުވާއިރު، އިންތިހާބުގެ ދެވަނަ ބުރަށް އެމްޑީޕީ އާއި ޕީޕީއެމް/ޕީއެންސީ ކޯލިޝަނުން ވަނީ ތައްޔާރުވާން ފަށާފައެވެ. ރިޔާސީ އިންތިހާބުގެ ދެވަނަ ބުރުގެ ވޯޓު ލުން އޮންނާނީ މި މަހުގެ 30 ވަނަ ދުވަހުއެވެ.
މުއިއްޒުގެ ކިބައިން އެދެނީ ނަޝީދުއާއި ގުޅިވަޑައިނުގަތުމަށް. ﷲ އިރާދައާއެކު 2 ވަނަބުރުގަ ކާމިޔާބުވާނެ. އަޅުގަނޑުމެންގެ ގައުމާއި ދީން ރައްކާތެރިކުރުމާ ދިވެހިންގެ ގައުމުގެ މިނިވަން ކަމާއި އިސްތިގުލާލު ދެމެހެއްޓުމަށްޓަކައި ރައްޔިތުން މުއިއްޒުއަށް ވޯޓް ދެއްވަމާތޯ؟ އިންޝާ ﷲ ގޯހެއްނުވާނެ!