މާލޭގައި ހުންނަ މަދީސް ކިޗަން އަށް ގެއްލުންދިން މައްސަލައެއް ހުށަހަޅާފައި ވާކަމަށް ފުލުހުން ބުނެފިއެވެ.
ރެ މަދީސް ކިޗަންއަށް ބަޔަކު ގެއްލުންދީފައި ވާއިރު އެ ތަނުގެ ދޮރުގެ ބިއްލޫރިގަނޑު ވަނީ ތަޅާލާފައެވެ.
'ދަ ޕްރެސް'އަށް މައުލޫމާތު ދެމުން ފުލުހުން ބުނީ މަދީސް ކިޗަންއަށް ގެއްލުން ދިން މައްސަލަ މިއަދު ހެނދުނު 07:15 ހާއިރު ފުލުހުންނަށް ރިޕޯޓް ކޮށްފައި ވާކަމަށެވެ. މި މައްސަލައާއި ގުޅިގެން އަދި ފުލުހުން އެއްވެސް މީހަކު ހައްޔަރު ކޮށްފައި ނުވާއިރު މި މައްސަލަ އިތުރަށް ތަހުގީގު ކުރަމުން އަންނަކަމަށް ފުލުހުން ވަނީ ބުނެފައެވެ.
ފަހަކަށް އައިސް މީހުންގެ މުދަލަށް ގެއްލުންދޭ މައްސަލަ އިތުރުވަމުން އަންނައިރު މި އަހަރުގެ މާޗްމަހުގެ ތެރޭގައި ހުޅުމާލޭގައި ހުންނަ 'ޖޫސް ޓައިމް'އަށް މޫނު ނިވާކޮށްގެން ތިބި ބަޔަކު ވަދެ އެތަނަށް ވަނީ ގެއްލުން ދީފައެވެ. މި މައްސަލައާއި ގުޅިގެން އޭރު ފުލުހުން ވަނީ 7 މީހަކު ހައްޔަރުކޮށްފައެވެ.
