އިއްޔެ ރަނިންމޭޓެއް އިއުލާނު ކުރައްވާނެ ކަމަށް ވިދާޅުވި ނަމަވެސް، ވެރިކަމުގެ ދެވަނަ ދައުރަކަށް ކުރިމަތިލައްވާފައިވާ ރައީސް އިބްރާހީމް މުހައްމަދު ސޯލިހު ރަނިންމޭޓެއް އިއުލާނެއް ނުކުރައްވައެވެ.
މިދިޔަ ބުދަ ދުވަހު ހދ. ހަނިމާދޫގައި ނޫސްވެރިންނާ ބައްދަލުކުރައްވައި ރައީސް ވިދާޅުވީ، އެމްޑީޕީ އާއި ގުޅިފައިވާ ޕާޓީތަކުގެ ބޭފުޅުންނާ އެއްކޮށް މަޝްވަރާ ކުރެއްވުމަށް ފަހު އިއްޔެގެ ވަގުތެއްގައި ރަނިންމޭޓަކީ ކޮން ބޭފުޅެއްކަން އިއުލާނު ކުރައްވާނެ ކަމަށާއި، އެއަށްފަހު މިއަދުގެ ވަގުތެއްގައި އެމަނިކުފާނުގެ ފޯމު އިލެކްޝަންސް ކޮމިޝަނަށް ހުށަހަޅުއްވާނެ ކަމަށެވެ.
ނަމަވެސް ރޭ ދަންވަރު 12 ޖެހުމާ ހަމައަށް ރައީސްގެ ރަނިންމޭޓަކީ ކޮން ބޭފުޅެއްކަން ރަސްމީކޮށް އިއުލާނު ކުރައްވާފައެއް ނުވެއެވެ. އެހެންކަމުން، އިންތިހާބުގައި ވާދަކުރުމަށް އެދި އިލެކްޝަންސް ކޮމިޝަނަށް ހުށަހަޅަން ޖެހޭ ކެންޑިޑެސީ ފޯމު، ރައީސް ވިދާޅުވި ގޮތަށް މިއަދު ހުށަހަޅުއްވާނެ ކަމާ މެދު ސުވާލު އުފެދެއެވެ.
މިކަމާ ގުޅިގެން އެމްޑީޕީގެ ޑެޕިއުޓީ ޗެއާޕާސަން އަދި ރައީސް އޮފީހުގެ މިނިސްޓަރު އިބްރާހީމް ވަހީދަށާއި، ރައީސްގެ އިންތިހާބީ އޭޖެންޓު އަދި ކިނބިދޫ ދާއިރާގެ މެންބަރު މުހައްމަދު ނާޝިޒަށް ގުޅުމުން ފޯނަށް ޖަވާބު ދެއްވާފައެއް ނުވެއެވެ.
ރައީސްގެ ރަނިންމޭޓު އިއުލާނު ކުރައްވާނީ ކޮން ދުވަހަކުތޯ ނޫސްވެރިޔަކު އަންގާރަ ދުވަހު ސުވާލުކުރުމުން ރައީސް ވިދާޅުވީ، އެ ދުވަހުގެރޭ ނޫނީ އިއްޔެ ރަނިންމޭޓު އިއުލާނު ކުރައްވައި، އިއްޔެ ނޫނީ މިއަދު އިލެކްޝަންސް ކޮމިޝަނަށް ފޯމު ހުށަހަޅުއްވާނެ ކަމަށެވެ.
ނޫސްވެރިޔާގެ ސުވާލަށް ދެއްވި ޖަވާބު އިތުރަށް ތަފްސީލް ކޮށްދެއްވައި އެމަނިކުފާނު ވިދާޅުވީ، މިހާރުގެ ނައިބު ރައީސް ފައިސަލް ނަސީމްގެ އިތުރުން އެހެން ބައެއް ބޭފުޅުންގެ ނަންތައް ވެސް އެބަހުރި ކަމަށެވެ.
ރައީސް ވިދާޅުވި ގޮތުގައި، ރަނިންމޭޓު ކަނޑައަޅާނީ ކޯލިޝަންގެ މެދުގައި ކުރެވޭ މަޝްވަރާތަކަށް ފަހުގައެވެ. ރައީސް ރަނިންމޭޓަކަށް ހޮއްވަވާނެ ބޭފުޅަކާ ގުޅޭގޮތުން ސޯޝަލް މީޑިއާގައި އެކި މީހުން ވަނީ އެކި ހިޔާލު ފާޅުކޮށްފައެވެ. ފައިސަލްގެ ބަދަލުގައި، ބައެއް މީހުން ގަބޫލުކުރާ ގޮތުގައި ފޮރިން މިނިސްޓަރު އަބްދުﷲ ޝާހިދަށް، ނުވަތަ އެމްޑީޕީގެ ޕާލިމެންޓްރީ ގްރޫޕްގެ މެޖޯރިޓީ ލީޑަރު އަދި ހިތަދޫ އުތުރު ދާއިރާގެ މެންބަރު މުހައްމަދު އަސްލަމަށް ރައީސްގެ ރަނިންމޭޓުކަން އެރުވުން އެކަށީގެންވެއެވެ.
އެކަމަކު ބެލެވޭ ގޮތުގައި ރައީސްގެ ރަނިންމޭޓަކަށް މިފަހަރު ވެސް ވާނީ ފައިސަލެވެ.
އިބުރާހިމް މުހައްމަދު ސާލިހު ކުރިމަތިލާނެ ކަމާމެދު ހިތުގަ ސުވާލު އުފެދިއްޖެ ދަތުރު ކުރަނީ ފައިސާކޮޅު މުޅިން ދޮވެލަން ތޮށިގަނޑަށް ހަދާފަ ފައިބަން.
އަދި އެއުޅެނީ ޕްރީ ކެމްޕެއިންގެ ވައުދު (ރަނިންގ މޭޓް) އެއީ ކާކުކަން ބުނި ވަގުތު ހަމަވީއިރު ނުފުއްދިގެން. ދެން ވާނެ ގޮތް ވިސްނާ.