މީގެކުރިން މެންބާޝިޕް ފޯމުތައް ނުބަލާ ގޮތް ގޮތަށް "ދަ ޑިމޮކްރެޓްސް" ޕާޓީ އުފައްދަން ހުށަހެޅި މެންބާޝިޕް ފޯމުތައް އީސީ އިން ބަލާ ކަމަށް ހެންވޭރު ހުޅަނގު ދާއިރާގެ މެންބަރު ހަސަން ލަތީފް ތުހުމަތު ކުރައްވައިފިއެވެ.
ޕާޓީ އުފައްދަން ހުއްދަ ދިނުން ލަސްވަމުން ދާތީ ޑިމޮކްރެޓްސްގެ މެންބަރުން ވަނީ އިލެކްޝަންސް ކޮމިޝަން (އީސީ) އަށް ވަޑައިގެންފައެވެ.
ހަސަން ހަތީފް ވިދާޅުވީ ޕާޓީ ރަޖިސްޓްރީ ލިބުން ލަސްވަނީ އެހެންޏާ އެ ކުރާ ޗެކުތަކުގެ އިތުރުން އެހެން ގޮތަކަށް ބަލަން ބޭނުންވެގެން ކަމަށެވެ. އަދި އާ ގޮތެއް މި ޕާޓީ ރަޖިސްޓްރީ ކުރަން ހުށަހެޅުމުން ކުރުމަކީ ކަންބޮޑުވާ ކަމެއް ކަމަށާއި އެ ކަން ކުށްވެރިކުރާ ކަމުގައެވެ.
ޕާޓީ އުފައްދަން ދަތިތަކެއް ކުރިމަތި ކުރާކަން ފާހަގަކުރައްވާ ހަސަން ވިދާޅުވީ ދަތި ކުރިނަމަވެސް ޕާޓީއިން ކެނޑިޑޭޓަކު ރިޔާސީ އިންތިހާބަށް ނެރޭނެ ކަމަށެވެ. އެގޮތުން ޕާޓީ އުފައްދަން 3000 ފޯމް ހުށަހެޅި ރޭގެ ކުރީ ރޭ ދަންވަރު 11:53 ކުއްލިއަކަށް ގަވައިދު ބަދަލުކޮށް އިތުރު ކަންކަން ހިމަނަން ހުށަހަޅާފައި އޮތް ކަން ހަސަން ވިދާޅުވިއެވެ.
3000 ސައްހަ ފޯމް ހުށަހަޅާފައިވާ ކަމަށް އީސީގެ ރައީސް ފުއާދު ތައުފީގު ވިދާޅުވެފައިވާ ކަމަށާއި އީސީގެ ރައީސް އަދި ނައިބު ރައީސް އިސްމާއިލް ހަބީބް ޕާޓީ އުފެއްދުމުގެ ހުއްދަ ދިނުމަށް މަސައްކަތް ކުރައްވާ ކަމަށް ހަސަން ވިދާޅުވިއެވެ. އަދި މިރޭ ޖަލްސާ ބޭއްވުމަށް މަސައްކަތް ކުރައްވާ ކަމަށް ފުއާދާ ހަވާލާދީ ހަސަން ވިދާޅުވިއެވެ. ނަމަވެސް އީސީގެ 2 މެންބަރުންގެ އެއްބާރުލުން އެކަމަށް ނުލިބޭ ކަމަށް އޭނާ ވިދާޅުވިއެވެ.
ހަސަން އިތުރަށް ވިދާޅުވީ ޕާޓީ އުފައްދަން ހުއްދަ ލިބެންދެން އީސީގައި ތިއްބަވާނެ ކަމަށެވެ. "ދަ ޑިމޮކްރެޓްސް" އުފެއްދުމަށް 3560 ފޯމް ހުށަހަޅާއިފި މި މަހުގެ 1 ވަނަ ދުވަހުއެވެެ.
