ރައީސް އިބްރާހިމް މުހައްމަދު ސޯލިހާ ގުޅުމެއް ނެތް ކަމަށާއި ނުގުޅުއްވާތާވެސް އަހަރެއްހާ ދުވަސް ވެއްޖެ ކަމަށް ރައްޔިތުން މަޖިލީހުގެ ރައީސް މުހައްމަދު ނަޝީދު ވިދާޅުވެއްޖެއެވެ.
އެމްޑީޕީ ރިޔާސީ ޕްރައިމަރީގައި ވާދަކުރައްވާ ރައީސް ނަޝީދު މިއަދު ނޫސްވެރިންގެ ބައްދަލުވުމުގައި ވާހަކަފުޅު ދައްކަވަމުން ވިދާޅުވީ މިދިޔަ 2021 ވަނަ އަހަރުގެ މޭ 6 ވަނަ ދުވަހުގެ ރޭ އެމަނިކުފާނަށް އަމާޒުކޮށްދިން ބޮމުގެ ހަމަލާގައި ފަރުވާ ހޯއްދެއްވުމަށް ޖަރުމަނާއި އިނގިރޭސި ވިލާތުގައި ހުންނެވިއިރުވެސް ރައީސް ސޯލިހު ގުޅުއްވީ އެންމެ ދުވަހަކު ކަމަށެވެ.
ރައީސް ނަޝީދު ވިދާޅުވީ އިއްތިހާދާ ގުޅުން ބޭއްވެވުމުގެ ނިޔަތުގައި އަދި އަމިއްލަފުޅަށް ފާހަގަވެވަޑައިގަތުމުގެ ބޭނުންފުޅުގައި އެމަނިކުފާނާ މަޝްވަރާކުރެއްވުން ހުއްޓަވާ ލައްވާފައިވާ ކަމަށެވެ. އަދި ރައީސްގެ އަރިހުގައި ތިއްބަވާ ބޭފުޅުން ދެކެވަޑައިގަންނަވަނީ ރައީސް ނަޝީދާ މަޝްވަރާ ކުރައްވައިފިނަމަ ރައީސް "ޝައިން" ވާ މިންވަރު ކުޑަވެގެންދާނެ ކަމަށް ވެސް އެމަނިކުފާނު ވިދާޅުވިއެވެ.
ސަރުކާރު ހިއްސާވާ ކުންފުނިތަކުގެ ނުފޫޒު ބޭނުން ކުރުމަކީ މައުމޫނީ ސިފައެއް ކަމަށާއި އެއީ ކުރީގައި ސިވިލް ސާވިސްގެ ގާނޫނެއް ނެތްއިރު އެ ބޭފުޅުން ލައްވާ އެކި އިރު ވޯޓު ލައްވާ އެ ބާވަތުގެ ކަންކަން ކުރެއްވީ ރައީސް މައުމޫނު އަބްދުލްގައްޔޫމް ކަމަށްވެސް ރައީސް ނަޝީދު ވިދާޅުވިއެވެ. އަދި ޖަލްސާތަކަށް ބެލިޔަސް ރައީސް ސޯލިހު ވާހަކަފުޅު ދައްކަވާއިރު "ވަހުދަތު" ފަދަ ބޮޑެތި ބަސްތައް ބޭނުންފުޅު ކުރައްވާ ކަމަށާއި ރައީސްގެ ސްޕީޗްތަކުގައި ވެރިކަމުގެ ނިޒާމާ ނުބައްދަލު ބަސްތައް ބޭނުންފުޅު ކުރައްވާ ކަމަށް ވެސް ނަޝީދު ވިދާޅުވިއެވެ.
ރައީސް ނަޝީދު ވިދާޅުވީ ޕީޕީއެމްގެ މެނިފެސްޓޯ ކިޔައިފިނަމަ ޕީޕީއެމްއާ "އައިޑޮލޮޖިކަލް" ތަފާތެއް ވާނެ ހެން ހީފުޅު ނުވާ ކަމަށާއި އެހެންނަމަވެސް އިއްތިހާދު ޕާޓީތަކާ ވަރަށް ތަފާތު ކަމަށެވެ.
ރައީސް ނަޝީދު އިތުރަށް ވިދާޅުވީ އެމަނިކުފާނު ޕްރައިމަރީ ކާމިޔާބު ކުރައްވައިގެން ރިޔަސީ އިންތިހާބުވެސް ކާމިޔާބު ކުރައްވާނެ ކަމަށާއި އެމަނިކުފާނަށް ތާއީދުކުރާ ރާއްޖޭގެ ރައްޔިތުން ވަރަށް ގިނަ ކަމަށެވެ.
ތި ދެން ކޮންކަމެއް. އެމްޑީޕީ ފެއިލް ވެއްޖޭ. މަޖިލިސް ދެވިއްޖެ ކައުސިލް ދެވިއްޖެ ރައީސްކަން ދެވިއްޖެ. ދެތިން ވަޒީރުން އެހެން ޕާޓީއެއްގަ ތިބިޔަސް މި ބޮޑު ލަދު ފޮރުވޭނެފަ ދެރައީސުން ގެ ދެބޯގެރި ދުއްވުމަކުން.