މާލޭގެ މިސްކިއްތައް މަރާމާތުކުރުމަށް ފައިސާ ހޯދުމަށް "ޗާލު މިސްކިތް" ގެ ނަމުގައި މާލެ ސިޓީ ކައުންސިލުން ކުރިއަށް ގެންދާ ފަންޑްރައިސިން އިވެންޓުގެ ފުރަތަމަ ދުވަހުން ތިން ލައްކައަށް ވުރެ ގިނަ ރުފިޔާ ލިބިފައިވާ ކަމަށް އެ ކައުންސިލުން ބުނެފިއެވެ.

މިސްކިތްތައް މަރާމާތު ކުުރުމަށް ފަންޑް ހޯދުމަށް ކުރިއަށް ގެންދާ ހަރަކާތުގެ ތެރެއިން ފުރަތަމަ އިވެންޓް ބާއްވާފައިވަނީ އިއްޔެ ހެނދުނު 9 އިން ހަވީރު 6 އަށް އަދި ރޭގަނޑު 8 އިން 11 އަށް އާޓިފިޝަލް ބީޗްގައެވެ.

މީގެ އިތުރުން މިއަދުވެސް ހެނދުނު 9 އިން ހަވީރު 6 ނިޔަލަށް އެ ހަރަކާތްކުރިއަށްގެންދާ ގޮތަށް ވަނީ ހަމަޖެހިފައެވެ. އަދި މިއަދު ކުރިއަށް ގެންދިއުމަށް ހަމަޖެހިފައިވަނީ ކުޑަކުދިންނަށް ހާއްސަ އިވެންޓެއް ކަމަށް ސިޓީ ކައުންސިލުން ބުނެއެވެ.

ސިޓީ ކައުންސިލުން ބުނީ އިއްޔެ ހިންގި އިވެންޓުން ޖުމްލަ 313,397.90 ރުފިޔާ ލިބިފައިވާ ކަމަށެވެ.

މި އިވެންޓުގެ ތެރެއިން ފައިސާ ހަދިޔާ ކުރުމަށް ބޭނުންވާ ފަރާތްތަކަށް އޮންލައިން ޓްރާންސްފާ އަދި ސިޓީ ކައުންސިލްގެ ހާއްސަ ޕޯޓަލްއެއް މެދުވެރިކޮށް ވެސް ފައިސާ ހަދިޔާ ކުރެވޭނެ ކަމަށް އެ ކައުންސިލުން ބުނެއެވެ. އަދި އެމްފައިސާ މެދުވެރިކޮށް ޑޮނޭޓް ކުރެވޭނެ ކަމަށް އުރީދޫ މޯލްޑިވްސްއިން ބުނެއެވެ.

ހަބަރު މާލެ ސިޓީ ކައުންސިލް