އިންޑިއާގެ އުއްތަރްކާންދްގެ ހަލްދަވާނީ ރެއިލްވޭ ފުޅާ ކުރުމުގެ ނަމުގައި އެ ރެއިލްވޭ ސްޓޭޝަނާ ޖެހިގެން އޮންނަ މުސްލިމުން ދިރިއުޅޭ ގައްފޫރު ބަސްތީ ތަޅާ ސުންނާފަތި ކުރުމާ ދެކޮޅަށް އެ އަވަށުގެ މުސްލިމުން އިހުތިޖާޖު ކުރަމުން އެބަދެއެވެ.
އެ އަވަށަކީ، 70 އެތައް އަހަރެއް ވާންދެން މުސްލިމުންގެ ބޮޑު އާބާދީއެއް ދިރިއުޅެމުން އަންނަ އަވަށެކެވެ. ސަރުކާރަށް ދައްކަން ޖެހޭ ޓެކްހާއި، ކަރަންޓާއި އެނޫންވެސް ހިދުމަތްތަކަށް ފައިސާ ދައްކައިގެން އުޅެމުން އަންނަ ބަޔަކު ގަދަބާރުން ގެދޮރުން ނެރެ ބުލްޑޯޒަރު އަޅާ ގެތައް ތަލާ ސުންނާފަތި ކުރުމުގެ މަސައްކަތް އިންޑިއާ ސަރުކާރުން ވަނީ ފަށާފައެވެ.
އެ އަވަށުގެ މީހުން ވަންނާނެ ހިޔާވައްސެއް ވެސް ނުދައްކާ، އެ އަވަށް ތަޅާ ސުންނާފަތި ކުރުމުގެ އަމުރެއް އުއްރަތްކާންދް ހައިކޯޓުން ވަނީ ނެރެފައެވެ. މިދިޔަ ހަފްތާގައި ނެރުނު އެ އަމުރުގައި ވަނީ 1 ހަފްތާގެ ނޯޓިސް އެއް ދިނުމަށް ފަހު އެ ބަސްތީ ތަޅާ ބިމާ ހަމަ ކުރުމަށެވެ.
މިސްކިތްތަކާއި، ސްކޫލުތަކާއި ވިޔަފާރިތައް ހުރި 29 އޭކާރުގެ މި އަވަށް ތަޅާލާން އަމުރު ނެރެފައި ވުމުން، އެ އަވަށުގެ އާންމުން ކުރަމުން ދާ އިހުތިޖާޖުގެ ވާހަކަ މިހާރުވަނީ ހަބަރުފަތުރާ ވަސީލަތްތަކުގެ ސުރުހީން ޖާގަ ހޯދާފައެވެ. މުސްލިމް ކުދިބޮޑު އެންމެން މަގުތަކަށް ނުކުމެ ދުއާއަށް އަތް ނަގައިގެން ތިބި އިރު އެ އިހުތިޖާޖުގައި ބައިވެރިވާކަން ހާމަ ކުރާ ސިޔާސީ ބައެއް މީހުންނާއި އިހުތިޖާޖުގައި ބައިވެރިވާން އެ ސަރަހައްދަށް ދަތުރުކުރާ މުސްލިމް ބައެއް ޖަމާއަތްތައް ދަނީ އިތުރު ވަމުންނެވެ.
ގާތްގަނޑަކަށް 4365 އާއިލާ ނުވަތަ ގެ ބިމާ ހަމަކުރާން ބުލްޑޯޒަރުގައި ރެއިލްވޭ އިދާރާއިން ނުކުމެފައި ވާ އިރު، މައި ސަރުކާރު (ދިއްލީ ސަރުކާރުން) ބުނެފައި ވަނީ އެ އަވަށަކީ ރެއިލްވޭގެ ބިމެއް ކަމަށާއި އެތަނަކީ މައި ސަރުކާރުގެ ދަށުގައި އޮތް ތަނެއް ނޫން ކަމަށެވެ.
އެ އަވަށް ތަޅާ ސުންނާފަތި ކުރާނީ 7000 ފުލުހުންނާއި ރައްޔިތުންގެ މަޖިލީހުގައި ހިމެނޭ 15 ގްރޫޕެއްގެ ހާޒިރުގައި ކަމަށް ވެސް ހަބަރުތައް ބުނެއެވެ.
އެހެން ސައިޓްތަކުގައި ހުންނަ ކޮންޓެންޓަށް "ދަ ޕްރެސް" އިން ޒިންމާއެއް ނުވާނެއެވެ. ޓްވިޓާ ޕޯސްޓް ބެލުމަށް މި ލިންކަށް ފިއްތާލާށެވެ.
މި ކަމަކާ ގުޅިގެން އިންޑިއަން އެމެރިކަން މުސްލިމް ކައުންސިލުން ބުނެފައި ވަނީ، އިންޑިއާގެ ބޮޑުވަޒީރު ނަރެންދްރަ މޯދީގެ ބީޖޭޕީގެ ސަޕޯޓް އޮތް އުއްތަރްކާންދްގައި ހިންގާ މި އަމަލުގެ ސަބަބުން މަދުވެގެން 4000 އާއިލާ މަގުމަތިވާނެ ކަމަށެވެ.
ޖަމީއަތު އުލަމާ އޭ ހިންދު ޖަމާއަތުގެ މީހުންނާއި އޯލް އިންޑިއާ މަޖްލިސް އޭ އިއްތިހާދު އަލް މުސްލިމީނުން ވަނީ ގެދޮރު ތަޅާ ސުންނާފަތި ކުރުން ހުއްޓާލުމަށް ގޮވާލާފައެވެ. އޯލް އިންޑިއާ މަޖްލިސް އޭ އިއްތިހާދު އަލް މުސްލިމީންގެ އުއްތަރުކާންދް ގެ ރައީސް ޑރ. ނައްޔަރު ކަޒްމީ، ޗީފް މިނިސްޓްރު ޕުޝްކާރް ސިންގް ދާމީ އަށް ފޮނުއްވި ސިޓީއެއްގައި ބުނެފައި ވަނީ އެއް ފަރާތަކަށް ޖެހި ނިންމާފައި ވާ އެ ނިންމުން ރަނގަޅު ނޫން ކަމަށާއި އެ އަވަށުގެ މުސްލިމުންގެ އަޑުވެސް ހައިކޯޓުން އަހަން ޖެހޭނެ ކަމަށެވެ.
އެހެން ސައިޓްތަކުގައި ހުންނަ ކޮންޓެންޓަށް "ދަ ޕްރެސް" އިން ޒިންމާއެއް ނުވާނެއެވެ. ޓްވިޓާ ޕޯސްޓް ބެލުމަށް މި ލިންކަށް ފިއްތާލާށެވެ.
ރެއިލްވޭ ހެދުމުގެ ނަމުގައި މުސްލިމުންގެ ގޮދޮރު ތަޅާ ސުންނާފަތި ކުރުމުގެ މައްސަލައިގައި އިންޑިއާގެ ސަރުކާރަށް އަމާޒުކޮށް ފާޑުކިޔާ ފަރާތްތައް ގިނަ ވަމުން އަންނަ އިރު އެއްބަޔަކު ބުނެފައި ވަނީ މިއީ ޔަހޫދީ އިޒްރޭލުން ފަލަސްތީނުގެ މުސްލިމުންނަށް ހަދަމުން ދާ ގޮތުން ފިލާވަޅު ދަސްކޮށް މޯދީގެ ސަރުކާރުން ހިންގާ ބޮޑު ޖަރީމާއެއް ކަމަށެވެ. އަދި މިއީ އިންޑިއާގެ ބައިމަދު މުސްލިމުން ނެތިކޮށްލުމަށް ހަރުކަށި ހިންދޫންނާއި ބީޖޭޕީގެ ސީދާ އެޖެންޑާއެއްގެ ދަށުން ކުރާ ކަމެއް ކަމަށް ވެސް ބުނެއެވެ.
މިދިޔަ އަހަރުވެސް އިންޑިއާގެ މަދްޔަ ޕްރަދޭޝް އާއި އުއްތަރް ޕްރަދޭޝްގައި ވެސް މިބާވަތުގެ ރުޅިވެރިކަމެއްގައި މުސްލިމުންގެ އެތައް ގެދޮރެއް ތަޅާ ސުންނާފަތި ކޮށްލާފައި ވެއެވެ. އެ ދެ ޝަހަރުގައި މުސްލިމުންގެ ގެދޮރު ސުންނާފަތި ކުރީ ދީނީ ހަމަނުޖެހުން ތަކުގެ ބަދަލެއްގެ ގޮތުންނެވެ.
ياالله މުސްލިމުންގެދުއާ އިޖާބަކުރައްވާ ދުސްމިނުން ބަލިކުރައްވާށި امين