ލޮޅުމެއްގެ އަސަރު ކޮށްގެން ކަމަށް ބަލައި ހެލްތު މިނިސްޓްރީ ހިންގާ ރޯޝަނީ ބިލްޑިންގް ދެންމެ ހުސްކޮށްފިއެވެ. ރޯޝަނީ ބިލްޑިންގް ހުސްކޮށް ބޭރުގައި ތިބި މީހުންގެ ތެރެއިން "ދަ ޕްރެސް" އާ ވާހަކަ ދެއްކި މީހަކު ބުނީ، އިމާރާތް ގުޑުން އެރިކަމަށެވެ.
ހެލްތް މިނިސްޓްރީގެ ބައެއް ސްޓާފުން "ދަ ޕްރެސް" އަށް ކިޔައިދިން ގޮތުގައި، އިމާރާތަށް ލޮޅުމުގެ އަސަރު ކުރީ އެ އިމާރާތުގެ ކުރިމަތިން އޮންނަ ނާދީ ކޮށީގައި އިންޑިއާއިން އަޅާ ފްލެޓްގެ ފައުންޑޭޝަން މަސައްކަތް ކުރާތީއެވެ.
އިންޑިއާގެ ޓާޓާއިން ފްލެޓް އެޅުމުގެ މަސައްކަތް ނާދީ ބިމާއި އޯޑިއޯން ބިމުގައި މިހާރު ކުރަމުން ދާއިރު އެ ސައިޓްތަކުގެ ކޮންޓްރެކްޓަރަކީ ރެއިންބޯއެވެ. ނަމަވެސް ފައުންޑޭޝަން އެޅުމަށްޓަކައި ބިންގަނޑު ހަމަޖެއްސުމާއި، ޕައިލް ކުރުމުގައި ބައެއް ހެވީ ވެހިކަލް ބޭނުން ކުރާ އިރު މުޅި ސަރަހައްދަށް އެކަމުގެ އަސަރު ހުރެއެވެ. ނަމަވެސް މިއަދު ލޮޅުމުގެ އަސަރު ކުރި އިރު، ނާދީ ކޮށީގައި އެވަރުގެ ވައިބްރޭޝަން އުފެދޭ ވަރުގެ މަސައްކަތެއް ނުކުރާކަން ފާހަގަ ކުރެވެއެވެ.
ހެލްތް މިނިސްޓްރީގެ އިތުރު އޮފިޝަލަކު ވިދާޅުވީ، ލޮޅުމުގެ އަސަރު ކުރި ކަމަށް ބުނީ، ރޯޝަނީ ބިލްޑިންގްގެ 9 ވަނަ ފަންގެފިލާއިން އިން ކަމަށާއި، މީގެ ކުރިންވެސް، އެ އިމާރާތާ ކައިރި ސަރަހައްދެއްގައި އެފަދަ ބޮޑު މަސައްކަތެއް ކުރާ އިރު ލޮޅުން އަރާތީ އެކަން މިނިސްޓްރީގެ އިސް ވެރިންގެ ސަމާލުކަމަށް ގެނެސްފައި ވާނެ ކަމަށެވެ.
ހެލްތް މިނިސްތްރީ ހިންގާ ރޯޝަނީ ބިލްޑިންގް އަކީ، ސްޓްރަކްޗާ ހަދާ ހުންނަތާ އެތައް އަރަހެއްގެ ފަހުން ފިނިޝިންގެ ހެދި ދުވަސް ވީ އިމާރާތެކެވެ.
