ހުށަހަޅާފައިވާ މައްސަލައަކާ ގުޅިގެން ސުވާލުކުރުމަށް މަރުވެފައިވާ މީހަކު ހޯދަން ފުލުހުން އިއުލާނު ކޮށްފިއެވެ.
މީގެ ދެ އަހަރު ކުރިން، ޖުލައި 27 ގައި ހުށަހަޅާފައިވާ މަކަރާއި ހީލަތުން ފައިސާ ހޯދާފައިވާ މައްސަލައަކާ ގުޅިގެން ސުވާލުކުރުމަށް ހޯދުމަށް ފުލުހުން އިއުލާނުކޮށްފައި ވަނީ ޝަކުލުﷲ އަލީ ނަމަކަށް ކިޔާ މީހެކެވެ. އޭނާ ހޯދަން ފުލުހުން އިއުލާނުކޮށް، އަންނަ މަހުގެ ދެވަނަ ދުވަހު މެންދުރު ހާޒިރުވާން ވަނީ އަންގައިފައެވެ.
އެކަމަކު ޝަކުލުﷲ އަކީ މީގެ އަހަރެއްހާ ދުވަސް ކުރިން މަރުވެފައިވާ މީހެއް ކަން ވަނީ ހާމަވެފައެވެ. އޭނާގެ މައްޗަށް ކަށުނަމާދު ކުރަން ކުރި އިއުލާނު ވެސް ސޯޝަލް މީޑިއާގައި ހިއްސާކޮށްފައިވާއިރު، އެ އިއުލާނުގައިވާ ގޮތުން އޭނާ މަރުވީ މިދިޔަ ޖޫން މަހުގެ 19 ގައެވެ.
ފުލުހުން ބަލަމުންދާ ކަމަށް ބުނި މައްސަލަ ހުށަހެޅި މުހައްމަދު ތޯރިހު ފޮޓޯތައް ހިއްސާކޮށް ކުރި ޓްވީޓެއްގައި ބުނީ، އޭނާ މީގެ ދެ އަހަރު ކުރިން ހުށަހެޅި މައްސަލައެއް ތަހްގީގުކުރަން ހޯދަން ފުލުހުން އިއުލާނުކުރީ ޝަކުލުﷲ މަރުވިތާ އަހަރަކަށް ވުރެ ގިނަ ދުވަސްވީ ފަހުން ކަމަށެވެ.
"ފުލުހުންގެ ޙިދުމަތް ފުޅާކުރީމަ ބުނާނެއެއްޗެއްވެސް ނޭނގިފަ މިހުރީ."
އެކަން ފުލުހުންގެ ސަމާލުކަމަށް ގެނައުމުން، ފުލުހުން ވަނީ ޓްވީޓް ޑިލީޓްކޮށްލައިފައެވެ.
ނަމަވެސް މިކަމާ ގުޅިގެން ފުލުހުން ރަސްމީކޮށް ވަހެއް ބުނެފައެއް ނުވެއެވެ.
