މާލޭގައި މީހެއްގެ ބޮލުގައި ކޯރާޑިއަކުން ޖަހައި ޒަހަމްކޮށްލައިފިއެވެ.
ފުލުހުން ބުނީ، މާފަންނު ގެއަކަށް ވައްކަން ކުރަން ވަން ބިދޭސީ އަކަށް ހަމަލާދީފައިވާ ކަމަށް ރޭ 11:55 ހާއިރު ފުލުހުންނަނަށް ރިޕޯޓުކޮށްފައިވާ ކަމަށެވެ.
އަނިޔާ ލިބިފައިވާ މީހާއަށް އައިޖީއެމްއެޗްގައި ފަރުވާ ދެމުންދާ ކަމަށް ފުލުހުން ވަނީ ބުނެފައެވެ.
ފުލުހުން ބުނީ މިމައްސަލައާ ގުޅިގެން މިހާތަނަށް މީހަކު ހައްޔަރުކޮށްފައި ނުވާ ކަމަށެވެ.
މިމައްސަލަ އާ ގުޅިގެން ބަލަން ޖެހޭ ކަންކަން ބަލަމުންދާ ކަމަށް ފުލުހުން ބުނެއެވެ.
މައުލޫމާތު ލިބިފައިވާ ގޮތުގައި ކޯރާޑިން ޖަހައި، ބިދޭސީ މީހާގެ ބޯ ވަނީ ވަރަށް ބޮޑަށް ފަޅާލައިފައެވެ. އެކަމާ ގުޅިގެން އައިޖީއެމްއެޗްގެ ބަހެއް އަދި ލިބިފައެއް ނުވެއެވެ.
