ރޭ ފިލިގަސް މަގުގައި ހިންގި މާރާމާރީއާ ގުޅިގެން 3 މީހަކު ހައްޔަރުކޮށްފި ކަމަށް ފުލުހުން ބުނެފިއެވެ.
ފުލުހުން ބުނީ ފިލިގަސް މަގުގައި މާރާމާރީއެއް ހިނގާފައިވާ ކަމަށް ރޭ ގާތްގަނޑަކަށް 10:30 ހާއިރު ރިޕޯޓުކޮށްފައިވާ ކަމަށާއި ފުލުހުން އެ ސަރަހައްދަށް ދިޔައިރު މާރާމާރީ ހިންގި މީހުން ވަނީ އެ ސަރަހައްދު ދޫކޮށްފައި ގޮސްފައި ކަމަށެވެ.
އެ މާރާމާރީ ހިންގިކަމުގެ ތުހުމަތުގައި ދިވެހި ތިން ފިރިހެނުން ރޭ ވަނީ ހައްޔަރުކޮށްފައި ކަމަށާއި އެ މައްސަލަ ފުލުހުން ދަނީ ތަހުގީގުކުރަމުން ކަމަށް ބުންޏެވެ.
އިއްޔެ ހަވީރު 5:38 ހާއިރު އޯކިޑު މަގުގައި ހުންނަ މީޑިއާނެޓުގެ އޮފީހަށް ބަޔަކު ވަދެ މާރާމާރީ އެއް ހިންގާފައި ވާއިރު އެ މާރާމާރީގައި ޒަހަމްވި މުވައްޒަފު އިތުރު ފަރުވާއަށް އޭޑީކޭ ހޮސްޕިޓަލަށް ގެންދިޔައެވެ.
ފުލުހުން މިއަދު ބުނީ އެ މާރާމާރީއާ ގުޅިގެން މިހާތަނަށް މީހަކު ހައްޔަރުކޮށްފައި ނުވާ ކަމަށާއި އެހެންނަމަވެސް އެ މައްސަލަ ވެސް ފުލުހުން ދަނީ ތަހުގީގުކުރަމުން ކަމަށެވެ.
މީގެ އިތުރުން މިދިޔަ ބުދަ ދުވަހު ހުޅުމާލެ ބީޗް ސަރަހައްދުގައި މާރާމާރީ އެއް ހިންގާފައި ވާއިރު، އެ މާރާމާރީގައި 31 އަހަރުގެ ޒުވާނަކު ވަނީ އޭނާގެ އާއިލާ އަށް ނިސްބަތްވާ މުސްކުޅިއަކަށް ލަކުޑިފަތިގަނޑަކުން ހަމަލަދީފައެވެ. އެ މައްސަލައާ ގުޅިގެން މާރާމާރީ ހިންގި މީހާ ވަނީ އެ ސަރަހައްދުން ހައްޔަރުކޮށްފައެވެ.
ފުލުހުން ފިނިކޮޓަރީގަ ތިބެބަ އޭރުން ކަން ކަން ހައްލުވާނެ، މިހާ ދަށުދަރަޖައަކަށް ފުލުހުންގެ ކަންކަން ދުަވަހަކުވެސް ނުދޭ..