މިއަހަރުގެ މިނިވަން ދުވަހާ ގުޅިގެން އަންނަ ބުރާސްފަތި ދުވަހު ސަރުކާރު ބަންދުވާނެ ކަމަށް ރައީސް އޮފީހުން ބުނެފިއެވެ.
ރައީސް އޮފީހުން މިއަދު ބުނީ، މި އަހަރުގެ މިނިވަން ދުވަހާ ގުޅިގެން، ކުރިންވެސް ހަމަޖައްސާފައިވާ ގޮތަށް، އަންނަ ބުރާސްފަތި ދުވަހު ސަރުކާރުގެ އިދާރާތައް ބަންދު ވާނެ ކަމަށެވެ.
ނަމަވެސް، އެ ހަފްތާގެ އާދީއްތަ އާއި ހޯމަ ދުވަހު ސަރުކާރުގެ އިދާރާތައް ބަންދުކުރަން ނިންމާފައި ނުވާ ކަމަށް ވެސް ރައީސް އޮފީހުން ބުންޏެވެ.
އެހެންކަމުން، މިނިވަން ދުވަހާ ގުޅިގެން ސަރުކާރު ބަންދު ކުރުމަށް ފަހު ދެން ހުޅުވާނީ މިމަހުގެ 31 ވާ އާދީއްތަ ދުވަހުގައި ކަމަށް ވެސް އެ އޮފީހުން ބުންޏެވެ.
މި އަހަރުގެ މިނިވަން ދުވަހާ ގުޅިގެން ހަރަކާތްތައް ކުރިއަށް ގެންދަން ނިންމާފައިވާއިރު، ދެ އަހަރު ދުވަހުގެ މެދުކެނޑުމަކަށް ފަހު ފުޅަނދު ބުރު ވެސް ބާއްވާ ގޮތަށް ވަނީ ނިންމައިފައެވެ.
