"ދަ ޕްރެސް" އިން މިދިޔަ ރޯދަ މަހު ކުރިއަށް ގެންދިޔަ މުބާރާތްތަކާއި ހަތިމް ޕްރޮގްރާމްގެ ނަތީޖާ ފާޅުކޮށްފިއެވެ. ރޭ ޓީވީއެމް އިން ލައިވްކޮށް ގެނެސްދިން ޕްރޮގްރާމުގައި "ރޯދަ ކުރުވާހަކަ" މުބާރާތާައި، "ރޯދަ އާއި ސުވާލު" މުބާރާތާއި "ހަތިމް ޕްރޮގްރާމް" ގެ ނަތީޖާ ވަނީ އިއުލާން ކޮށްފައެވެ.
ހަތިމް ކޮށްގެން އުމްރާ ދަތުރު ލިބުނީ، އައިޝަތު އާދަމް، A105827 އަށެވެ. ރޯދަ މަހަކީ އަޅުކަމުގެ މައްސަރަކަށް ވެފައި، "ހަތިމް ޕްރޮގްރާމް" ގެ މަގުސަދަކަށް ވީ، ވީހާވެސް ގިނަ ބަޔަކު، ޤްރުއާން ކިޔަވައި ހަތިމް ކުރުމަށް ބާރު އެޅުމެވެ. މި ޕްރޮގްރާމުގައި ރޯދަ މަސް ފެށުނު އިރު 380 ފަރާތަކުން ބައިވެރިވެ ކިޔަވަމުން ގެންދިޔަކަން އުލަފާއެކު ފާހަގަ ކުރަމެމެވެ.
ހަތިމް ކުރުމުގެ ޕްރޮގްރާމްގެ އިތުރުން، "ދަ ޕްރެސް" އިން މިއަހަރު ބޭއްވި ރޯދަ އާއި ސުވާލު މުބާރާތަކީ ވެސް ގިނަ ބައެއްގެ ތަރުހީބު ލިބިގެން ދިޔަ މުބާރާތެކެވެ. މި މުބާރާތުގައި ޖުމަލް 252 މީހަކު ބައިވެރިވެފައި ވާއިރު ކޮންމެ ދުވަހު ތިން ވަގުތަކަށް ބަހާލައިގެން ހުށަހެޅި 90 ސުވާލުގެ ތެރެއިން 56 ސުވާލުގެ ޖަވާބު ދިމާކޮށްގެން، އެސްޓްރަބޮން އިން ހުށަހެޅި ކެފިޓަލީ ކޮފީމެޝިން ލިބުނީ އައިޝަތު ނަޒީރާ، A256904 އެވެ.
"ދަ ޕްރެސް" އިން މި ރަމަޟާން މަހު ހުޅުވާލި ކުރުވާހަކަ މުބާރާތުގައި ބައިވެރި ކުރި ވާހަކަ ތަކުގެ ތެރެއިން އެންމެ މޮޅު ތިން ވާހަކަ ހޮވާ އެ ފަރާތްތަކުގެ ނަންވެސް ރޭ ވަނީ އިއުލާން ކޮށްފައެވެ. އެގޮތުން 3 ވަނަ ލިބިފައި ވަނީ، މަރިޔަމް އުލްޔާ ލިޔުނު "އުމުރަށް އެކުގައި" ވާހަކަ އަށެވެ. 2 ވަނަ ލިބިފައި ވަނީ އައިޝަތު ލިޔުޝާ ލިޔުނު "ތަފާތު ލޯތްބެއް" ވާހަކަ އަށެވެ. އަދި 1 ވަނަ ލިބިފައި ވަނީ އައިމިނަތު ޝީޒާ ލިޔުނު "އިމްތިހާން" ވާހަކަ އަށެވެ. މި މުބާރާތުގައި 3 ވަނަ އަށް 500 ރުފިޔާ، ދެވަނަ އަށް 1000 ރުފިޔާ އަދި އެއްވަނަ އަށް 1500 ރުފިޔާ ލިބޭނެއެވެ.
ރޭ ބޭއްވި ނަތީޖާ އިއުލާން ކުރުމުގެ ހަފްލާގައި، "ދަ ޕްރެސް ރޯދަ" ޕްރޮގްރާމަށް އެހީތެރިކަން ދެއްވި ފަރާތްތަކަށް ހަނދާނީ ފިލައެއްވެސް ވެސް ވަނީ ދީފައެވެ. އެ ގޮތުން ކޮފީ މެޝިން ހަދިޔާ ކޮށްދެއްވި އެސްޓްރަބޮން މޯލްޑިވްސް އާއި، "ދަ ޕްރެސް" އިން ކުރިއަށް ގެންދިޔަ ރޯދަ ކުއީޒް ޕްރިގްރާމަށް އެހީތެރިކަން ދެއްވި ފްޑްބޭންކް މިލޭނިއަމްއަށް ވަނީ ހަނދާނީ ފިލައެއް ދީފައެވެ.
ރޯދަމަހުގެ ކޮންމެ ދުވަހަކު ފްޑްބޭންކު މިލޭނިއަމް އިން ރޯދަވީއްލުމެއް ދިން، ކްއީޒު 10،120 މީހަކު ޖުމްލަ 15،900 ފަހަރު ކުޅެފައި ވެއެވެ.
"ދަ ޕްރެސް ރޯދަ" ޕްރޮގްރާމުތަކާއި މުބާރާތްތައް ކުރިއަށް ގެންދިޔުމުގައި އެހީތެރިވެ ދެއްވި ސްޕޮންސަރުންގެ ނަން ފާހަގަ ކޮށް އެފަރާތްތަކަށް ހާއްސަ ޝުކުރެއް އަދާކުރަމެވެ.
